অসম লাইভ২৪ঃ অস্বাস্থ্যকৰ খোৱাবোৱা, নিদ্ৰাহীনতা, পৰ্যাপ্ত পৰিমানে পানী নোখোৱাৰ ফলতেই কিডনীৰ সমস্যাই দেখা দিয়ে। এজন মানুহৰ শৰীৰত দুটাকৈ কিডনি থাকে। তাৰেই এটা বিকল হ’লেও আনটোৰে কাম চলি থাকে। কিন্তু কিডনিত পাথৰ জমা হ’লে বাহিৰত কোনো লক্ষণ পোনতে দেখা নাযায়। সেয়ে সময়ে সময়ে কিডনিৰ পৰীক্ষা কৰি থকাটো অত্যন্ত জৰুৰী। বহুসময়ত পৰিয়ালগত ভাৱেও এই ৰোগ বিয়পে। সেয়ে প্ৰত্যেকবছৰেই এবাৰকৈ কিডনিৰ পৰীক্ষা কৰোৱাটো অতিকৈ জৰুৰী। ইয়াৰোপৰি উচ্চ ৰক্তচাপ, ডায়বেটিছ আৰু কিডনিৰ স্বাস্থ্য কেনেকুৱা সেই সম্পৰ্কে জানিবলৈ সেইকেইটা লক্ষণলৈ নজৰ দিয়াটো জৰুৰী।
ছাল শুকাই যোৱা
কিডনি ভালে নাথাকিলে তাৰ প্রভাৱ আমাৰ ছালত প্ৰভাৱ পৰে। শৰীৰৰ পৰা দূষিত পদাৰ্থ বাহিৰ কৰা তেজত পৰ্যাপ্ত পৰিমানে লোহিত ৰক্ত কণিকা উৎপাদন কৰা, বিভিন্ন খনিজৰ ভাৰসাম্য বজায় ৰখা, হাড়ৰ স্বাস্থ্য সকলোবোৰেই কিডনিৰ ওপৰতেই নিৰ্ভৰ কৰে। তেজত বিভিন্ন উপাদান সঠিক মাত্ৰাত নাথাকিলেই ছাল শুকাই যোৱাৰ লক্ষণে দেখা দিয়ে।
প্ৰস্ৰাৱৰ বেগ
পানী নাখালে প্ৰস্ৰাৱৰ বেগো কমি যায়। কিন্তু কিডনি বিকল হোৱাৰ এইয়াও এটা লক্ষণ। পুৰুষৰ ক্ষেত্ৰত এই লক্ষণে কেতিয়াবা প্ৰষ্টেটৰ সমস্যাৰো ইংগিত দিয়ে।
চকুৰ ফোলা ফোলা ভাৱ
পৰ্যাপ্ত পৰিমানে টোপনি নহ’লে চকু ফুলি থকা যেন এটা ভাৱ আহে। তেনেকুৱা ভাৱ আহিলেই বুজিৱ যে আপোনাৰ কিডনিত কোনো সমস্যাই দেখা দিছে। তেজৰ পৰা পুষ্টিকৰ পদাৰ্থ চেকি দূষিত পদাৰ্থ বাহিৰ কৰিব নোৱাৰিলে কিডনিৰ সমস্যাই দেখা দিয়ে।
ভৰি ফোলা
ভৰি ফোলাৰ সমস্যা বহু লোকৰেই আছে। কিডনিৰ সমস্যাৰ বাবেও ভৰি ফোলাৰ সমস্যা হয়। শৰীৰত ফ্লুইডৰ পৰিমান যদি বাঢ়ি যায় তেতিয়াই এই সমস্যাই দেখা দিয়ে। কেৱল কিডনিৰ সমস্যাতেই ভৰি ফুলি উঠে তেনে নহয়। হাৰ্টৰ সমস্যা থাকিলেও ভৰি ফোলাৰ সমস্যাই দেখা দিয়ে।
ভোক নলগা
কিডনিয়ে সঠিকৰূপত কাম নকৰিলে খোৱাবোৱাৰ প্ৰতি অনিহা আহে। ভৰি ফোলাৰ সমস্যা খাদ্য গ্ৰহণৰ খেলিমেলিৰ বাবেই হয়। কিডনিয়ে স্বাভাৱিকভাৱে কাম নকৰিলে শৰীৰত ‘টক্সিন’ৰ পৰিমান বাঢ়ি যায়। যাৰফলত খোৱাৰ ইচ্ছা কমি আহে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
