অসম লাইভ২৪ঃ
এইবাৰ অসমত ৰঙালী উদযাপন কৰিবলৈ আহি আছে অভিনেত্ৰী ৰবীনা টেণ্ডন৷
বেলতলা বিহু কমিটিয়ে আমন্ত্ৰণ জনাইছে বলীউড শিল্পীগৰাকীক৷
শনিবাৰে এই কথা ঘোষণা কৰিছে বেলতলা বিহু উদযাপন সমিতিয়ে।
বলীউডৰ মোহময়ী অভিনেত্ৰী ৰবীনা টেণ্ডনক প্ৰদান কৰা হ’ব ২০২৩ বৰ্ষৰ ড০ ভূপেন হাজৰিকা বঁটা।
সুধাকণ্ঠৰ স্মৃতিতেই প্ৰত্যেকবাৰেই এগৰাকীকৈ শিল্পীক ড০ ভূপেন হাজৰিকা বঁটা প্ৰদান কৰি আহিছে বেলতলা বিহুৰ উদযাপন সমিতিয়ে।
২০২৩ বৰ্ষৰ এই বঁটা হিন্দী ছবিজগতৰ অভিনেত্ৰী ৰবীনা টেণ্ডনক প্ৰদান কৰাৰ কথা ঘোষণা কৰা হৈছে।
বেলতলা বিহু উদযাপন সমিতিয়ে জনোৱা অনুসৰি ২২ এপ্ৰিলত অনুষ্ঠিত হ’বলগীয়া বেলতলা ব’হাগী উৎসৱত অংশ ল’ব অভিনেত্ৰী ৰবীনা টেণ্ডনে।
সেই দিনাই তেওঁক এই বঁটা প্ৰদান কৰিব বেলতলা বিহু উদযাপন সমিতিয়ে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
