ভাতৃ-ভগ্নী প্ৰেমৰ প্ৰতীক ৰাখীবন্ধন। প্ৰতি বছৰে শাওনৰ পূৰ্ণিমাত এই দিৱস পালন কৰা হয়। আজিৰ দিনটোতে ভগ্নীয়ে ভাতৃৰ হাতত ৰাখী বান্ধি সুখী জীৱনৰ কামনা কৰে। তাৰ পিছত ভাতৃয়ে ভনীয়েকক উপহাৰ দি গোটেই জীৱন ৰক্ষা কৰাৰ প্ৰতিশ্ৰুতি দিয়ে। এইবাৰ ৯ আগষ্টত উদযাপন কৰা হ’ব ৰাখীবন্ধন। ৰাখী বান্ধিবলৈ শুভ সময় চোৱাটো গুৰুত্বপূৰ্ণ। কোনো কাম যদি শুভ সময়ত কৰা হয়, তেন্তে তাৰ ফলাফল ইতিবাচক হয় বুলি ধৰ্মীয় বিশ্বাস আছে। কেৱল সেয়াই নহয়, কিমান দিনৰ পিছত এজন ভাতৃয়ে ৰাখী বন্ধনৰ হাতৰ ৰাখীডাল আঁতৰাব পাৰে জানক।
ৰাখীবন্ধনৰ দিনা বান্ধি দিয়া ৰাখী কেতিয়া আঁতৰাব লাগে তাক লৈ বহুতে বিমোৰত পৰে। কেতিয়াবা মানুহে পিছদিনা আঁতৰাই দিয়ে, কেতিয়াবা মানুহে বছৰ বছৰ ধৰি ৰাখী পিন্ধি থাকে। ৰাখীবন্ধন শেষ হোৱাৰ পিছত বান্ধি দিয়া ৰাখী আঁতৰাব পাৰে। তিথি শেষ হোৱাৰ পিছত ৰাখী আঁতৰালে শুভ বুলি গণ্য কৰা হয়।
জন্মাষ্টমীৰ দিনা বান্ধি থোৱা ৰাখী আঁতৰাব পাৰে। ৰাখীবন্ধনৰ ৬-৭ দিন পিছত জন্মাষ্টমী আহে। এই দিনটোত ৰাখী আঁতৰাই এজোপা গছত বান্ধিব পাৰে। ৰাখী কেতিয়া খুলিব লাগে সেই সম্পৰ্কে শাস্ত্ৰত কোনো নিৰ্দিষ্ট দিন বা বাৰৰ কথা উল্লেখ নাই। কিন্তু বহুদিন ৰাখী বান্ধি ৰখাটো অশুভ হ’ব পাৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
