অন্য এক আজৱ ঘটনা পোহৰলৈ আহিছে৷ এইবাৰ বাছ ষ্টেণ্ডৰ যাত্ৰীৰ বাবে থকা বেঞ্চত যুৱক-যুৱতীয়ে একেলগে বহাটো সহ্য নহ’ল স্থানীয় কুসংস্কাৰচ্ছন্ন একাংশ লোকৰ৷
ঘটনাটো কেৰালাৰ৷ কেৰালাৰ তিৰুৱন্তপুৰম চৰকাৰী অভিযান্ত্ৰিক মহাবিদ্যালয়ৰ সমীপৱৰ্তী শ্ৰীকাৰ্যমত থকা এটা বাছ ষ্টেণ্ডৰ যাত্ৰীয়ে বহিবলৈ থকা আসনত যুৱক-যুৱতীয়ে একেলগে বহাতো স্থানীয় লোকে আপত্তি কৰে৷ এই আপত্তিৰ পাছতে ষ্টেণ্ডটোত থকা বেঞ্চখন ভাঙি যুৱক আৰু যুৱতীয়ে পৃথকে বহিব পৰাকৈ তিনিখন আসন নিৰ্মাণ কৰা হয়৷
ইয়াৰ পাছতে মহাবিদ্যালয়খনৰ ছাত্ৰ-ছাত্ৰীসকলে ইয়াৰ বিৰুদ্ধে এক অভিনৱ প্ৰতিবাদ সাব্যস্ত কৰে৷ এজনীয়া আসনত ছাত্ৰই কোঁচত ছাত্ৰী বহুৱাই কৰা এই অভিনৱ প্ৰতিবাদৰ ফ’টো সামাজিক মাধ্যমত ভাইৰেল হোৱাৰ পাছতে মহানগৰখনৰ মেয়ৰ আৰ্য এচ ৰাজেন্দ্ৰনে ষ্টেণ্ডটো পৰিদৰ্শন কৰে৷
লগতে পঢ়ক হঠাতে একাউণ্টত সোমাল ১১ কোটি টকা! তাৰ পিছত কি হ’ল? জানিবলৈ চাওক…
মেয়ৰ ৰাজেন্দ্ৰনে পৰিদৰ্শন কৰাৰ পাছতে ষ্টেণ্ডটো লিংগ বৈষম্যমূলক বুলি অভিহিত কৰি এই ব্যৱস্থাটো উঠাই দি তাত লিংগ নিৰপেক্ষ আসনৰ ব্যৱস্থা কৰা হ’ব বুলি প্ৰকাশ কৰে৷
মেয়ৰগৰাকীয়ে কয় যে বেঞ্চখন ভাঙি এজনীয়া কৰাটো কেৱল অনুপযুক্তই নহয় ই ‘প্ৰগতিশীল সমাজৰো পৰিপন্থী’৷ মেয়ৰগৰাকীয়ে পুনৰ নিৰ্মাণৰ প্ৰতিশ্ৰুতি দিয়াৰ পাছতে উক্ত তিনিখন আসন ভাঙি পেলোৱা হৈছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
