২৬/১১ ঘটনাৰ মাষ্টাৰমাইণ্ড তাহাউৰ ৰানাক পুনৰ ১২ দিনৰ বাবে NIAৰ জিম্মালৈ
মুম্বাইৰ ২৬/১১ আক্ৰমণৰ মাষ্টাৰমাইণ্ড তাহাউৰ ৰানাক ১৮ দিনীয়া জিম্মা শেষ হোৱাৰ পিছত আজি ৰাষ্ট্ৰীয় তদন্তকাৰী সংস্থাই পাটিয়ালা হাউছ ক’ৰ্টত হাজিৰ কৰে। আদালতে পুনৰবাৰ ৰাণাক ১২ দিনৰ বাবে NIAৰ জিম্মালৈ প্ৰেৰণ কৰাৰ নিৰ্দেশ দিয়ে।
আজি শুনানিৰ সময়ত উপস্থিত আছিল কঠোৰ নিৰাপত্তা বাহিনী। বন্ধ কোঠাত গোচৰৰ শুনানি গ্ৰহণ কৰা হয়। এন আই এয়ে ৰাণাক অধিক দিনৰ বাবে জিম্মাত বিচাৰিছিল।
উল্লেখ্য় যে, ৰানাৰ বিৰুদ্ধে ইউএপিএৰ অধীনত গোচৰ ৰুজু কৰা হৈছে, য’ত ৩০ দিনলৈকে জিম্মাত লাভ কৰাৰ সম্ভাৱনা আছে। এই গোচৰৰ এতিয়ালৈকে কৰা তদন্ত আৰু সোধপোচৰ সকলো কথা আদালতক জনাইছে এন আই এয়ে।
আদালতত এন আই এয়ে কয় যে ৰানাৰ লক্ষ্য কেৱল মুম্বাই চহৰেই নহয়। হেডলীৰ সৈতে ৰাণাই দিল্লী, জয়পুৰ আৰু আজমেৰত মুম্বাইৰ দৰে আক্ৰমণ চলাব বিচাৰিছিল। ৰাণাই লস্কৰ-ই-তৈবাৰ নিৰ্দেশ মতে কাম কৰি আছিল।
এই সময়ছোৱাত এন আই এয়ে পুনৰ ১২ দিনৰ জিম্মাত ৰখাৰ দাবী জনাইছিল, যিটো আদালতে মানি লৈছে। আদালতে জনোৱা মতে, মুম্বাই ক্ৰাইম ব্ৰাঞ্চেও ৰাণাক সোধা-পোছা কৰিছে। অৱশ্যে ৰাণাই তদন্তত সহযোগ কৰা নাই।
৬৪ বছৰীয়া তাহাউৰ ৰাণাই এই পৰ্যন্ত তদন্তত মুম্বাই আৰক্ষীকো সহায় কৰা নাই। ৰাণা কানাডাৰ নাগৰিক, মূলতঃ পাকিস্তানৰ। তেওঁ আমেৰিকাৰ নাগৰিক ডেভিদ কলমেন হেডলীৰ সহযোগী হিচাপে কাম কৰি আহিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
