আপুনি ১৪ বছৰত কি কৰিছিল? ৩৫ বলত শতক কৰা বৈভৱে ফিট হৈ থাকিবলৈ
বৈভৱ সূৰ্যবংশী, ভাৰতীয় ক্ৰিকেটৰ উজ্জল ভৱিষ্যত। যি বৰ্তমানে কেৱল ভাৰতৰে নহয় সমগ্ৰ বিশ্বতে এক চৰ্চিত নাম।চ যি নাম কেৱল আপোনাৰ মোৰ মুখতেই নহয়, সকলো ক্ৰিকেট প্ৰেমীৰ মুখে মুখে। যিয়ে মাথো ১৪ বছৰ বয়সতে কৰিছে এক আচৰিত কাম।
মাথো ৩৫ টা বলকে কৰিছে ১০০ ৰান। এক অনন্য অভিলেখ। এই শতকত আছিল ৭টা চাৰি আৰু ১১টা ছয়। ইশান্ত শৰ্মাৰ দৰে সুদক্ষ বলাৰৰ বলতো অনায়াসে বৈভৱে কোবাই ৬-৪ ।
যি সময়ত হয়তো সাধাৰণতে লোকে খেলা-ধুলা-পঢ়া আদিত মন দি থাকে সেই সময়ত, এই ১৪ বছৰীয়া বৈভৱে ক্ৰিকেটক জীৱন বনাই লোৱাৰ লগতে নিজকে ফিট ৰাখিবলৈ প্ৰিয় খাদ্য মাংস, অতিকে প্ৰিয় পিজ্জা আদিয়ো ত্যাগ কৰিছে।
এতিয়া বৈভৱৰ প্ৰশংসাত পঞ্চমুখ ভাৰতীয় ক্ৰীড়া জগতৰ লগতে অভিনয় জগত, লগতে ৰাজনীতি জগতো। সকলোৱে বৈভৱৰ প্ৰশংসাৰে উপচাইছে সামাজিক মাধ্যম।
সেয়া লাগিলে ক্ৰিকেটৰ ভগৱান শচীন তেণ্ডুলকাৰেই হওঁক, বা যুৱৰাজ, হৰভজন, সূৰ্যা কুমাৰ। আনকি ৰাজনীতিৰ অসমৰ মুখ্যমন্ত্ৰী হিমন্ত বিশ্ব শৰ্মা , ঝাৰখণ্ডৰ মুখ্যমন্ত্ৰী হেমন্ত সোৰেণেও প্ৰশংসা কৰিছে ১৪ বছৰীয়া বৈভৱৰ।
বৈভৱে আই পি এলৰ পথাৰত এই আবিশ্বাস্য কৰি দেখুৱাইছে, ৰাজস্থানৰ হৈ খেলি গুজৰাটৰ বিৰুদ্ধে এই সুন্দৰ শতকীয় ৰান কৰে বৈভৱে। বৈভৱ সূৰ্য্যবংশীয়ে তেওঁৰ উজ্জ্বল ইনিংছৰ বাবে প্লেয়াৰ অৱ দ্য মেচৰ বঁটা লাভ কৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
