আপোনাৰ কন্যা সন্তানটিক লৈ আপুনি চিন্তিত নেকি? চিন্তাৰ কাৰণ নাই আপোনাৰ কন্যা সন্তানৰ সম্পূৰ্ণ দায়িত্ব চৰকাৰে গ্ৰহণ কৰিছে

কন্যা শিশুৰ সুৰক্ষাৰ বাবে ভাৰত চৰকাৰে প্ৰণয়ন কৰিছে বহুকেইখন কল্যাণমূলক আঁচনি৷ এই আঁচনিসমূহৰ গুৰুত্ব আমাৰ দেশত অত্যন্ত বেছি৷ কিয়নো পিতৃপ্ৰধান সমাজখনত বৰ্তমানেও বহুঠাইত অৱহেলিত কন্যা সন্তান৷ তাৰোপৰি বিভিন্ন ক্ষেত্ৰত সন্তানটিৰ লগতে তেওঁলোকৰ পৰিয়াল তথা পিতৃ-মাতৃক বহু পৰিমানে সকাহ দিয়ে এই আঁচনিসমূহে৷

কন্যা সন্তানৰ সামাজিক মৰ্যাদা আৰু বিবাহৰ উপযুক্ত সময়ত যাতে কোনো ধৰণৰ অসুবিধাৰ সন্মুখীন নহয় সেই ক্ষেত্ৰতো চিন্তা কৰিছে ভাৰত চৰকাৰে৷ কন্যা শিশুৰ সমঅধিকাৰৰ সুনিশ্চিত কৰাৰ বাবে ভাৰতে চৰকাৰে অনেক ব্যৱস্থা গ্ৰহণ কৰিছে৷ কন্যা শিশুৰ কল্যান, শিক্ষা আৰু স্বাস্থ্য ক্ষেত্ৰতো বিভিন্ন আঁচনি তথা আৰ্থিক সহায়তা আগবঢ়াইছে৷

ভাৰত চৰকাৰৰে এনে দহখন কল্যানমূলক আঁচনি হৈছে—

১. সুকন্যা সমৃদ্ধি যোজনা

সুকন্যা সমৃদ্ধি যোজনা বিশেষভাৱে কন্যা শিশুৰ অভিভাৱকৰ বাবে আৰম্ভ কৰা হৈছে৷ শিশুটিৰ শিক্ষা আৰু বিবাহৰ ক্ষেত্ৰত কিছু সকাহ হোৱাকৈ একোটা ট্ৰাষ্ট সৃষ্টি কৰি প্ৰয়োজনীয় ধনৰাশি ব্যৱস্থা কৰিবলৈ পিতৃ-মাতৃ সহায় আগবঢ়াইচে ভাৰত চৰকাৰে৷

২. বেটী বটাও বেটী পঢ়াও যোজনা

১০০ কোটি ব্যয়সাপেক্ষে এই আঁচনিখন ভাৰত চৰকাৰে মুকলি কৰিছে ২০১৫ চনৰ পৰা৷ এই আঁচনিৰ মূল উদ্দেশ্য হৈছে সাধাৰণতে কন্যা শিশুৱে সমাজত সন্মুখীন হোৱা বৈষম্য বিৰুদ্ধে জনসাধাৰণক সজাগ কৰা৷

৩. বালিকা সমৃদ্ধি যোজনা

১৯৯৭ চনতেই আৰম্ভ কৰা এই যোজনাৰ লক্ষ্য হৈছে সমাজৰ একোগৰাকী অবিচ্ছেদ্য অংগ হিচাপে যাতে সমাজে কন্যা শিশুক নিজৰ উজ্জল ভৱিষ্যতৰ গঢ়াৰ এক সুযোগ প্ৰদান কৰে৷ এই আঁচনিৰ জৰিয়তে শিশুটিৱে বছৰি ২ লাখ পৰ্যন্ত চৰকাৰৰ সাহাৰ্য লাভ কৰিব পাৰে৷

৪. মুখ্যমন্ত্ৰী ৰাজশ্ৰী যোজনা

ৰাজস্থানত আৰম্ভ কৰা হৈছে মুখ্যমন্ত্ৰী ৰাজশ্ৰী যোজনা৷ এই আঁচনিৰ অধীনত শিশুসন্তানটিৰ শিক্ষাৰ বাবে প্ৰয়োজনীয়া টকা জন্মৰ পৰাই চৰকাৰে জমা ৰাখে৷ এমাহৰ ২৫০০ – ১১ হাজাৰ পৰ্যন্ত শিক্ষাব্যয় বহন কৰে চৰকাৰে৷

৫. CBSE উড়ান স্কীম

ভাৰত চৰকাৰৰ মানৱ সম্পদ উন্নয়ন দপ্তৰে CBSE শিক্ষাৰ অধীনত প্ৰণয়ন কৰিছে এই আইন৷ দেশৰ বিভিন্ন ইঞ্জিনিয়াৰিং আৰু প্ৰযুক্তিবিদ্যা শিক্ষাৰ ক্ষেত্ৰত যাতে আগুৱাই যাব পাৰে তাৰ বাবে গ্ৰহণ কৰিছে এই বিশেষ পদক্ষেপ৷

৬. মুখ্যমন্ত্ৰী কন্যা সুৰক্ষা যোজনা

এই আঁচনি আৰম্ভ কৰিছে বিহাৰ চৰকাৰে৷ প্ৰতিগৰাকী কন্যা শিশুৰ অভিভাৱকক পুৰস্কৃত কৰা হ’য় এই আঁচনিৰ অধীনত৷ কন্যা শিশু জন্ম দিলেই ২ হাজাৰ টকা পুৰস্কাৰ হিচাপে আগবঢ়ায়৷

৭. মাজি কন্যা ভাগ্যশ্ৰী আঁচনি

এই আঁচনি উদ্বোধন কৰা হৈছে মহাৰাষ্ট্ৰত৷ কন্যা শিশু জন্মৰ ৫ বছৰ পৰ্যন্ত শিশুটিৰ মাতৃয়ে লাভ কৰে ৫ হাজাৰ টকাকৈ৷ ইয়াৰ উপৰি শিশুটিৰ ১৮ বছৰ সম্পূৰ্ণ হ’লে উচ্চ শিক্ষাৰ বাবে বছৰি লাভ কৰে ১ লাখ টকা পৰ্যন্ত৷

৮. কৰ্ণাটক ভাগ্যশ্ৰী আঁচনি

স্বাস্থ্যবীমাৰ বাবে এই আঁচনিৰ অধীনত কন্যা শিশুক প্ৰদান কৰা হয় নিৰ্দিষ্ট পৰিমানৰ ধন৷

৯. মধ্যপ্ৰদেশৰ লাডলী লক্ষ্মী যোজনা

মধ্যপ্ৰদেশৰ এই যোজনাৰ অধীনত ৰাজ্যখনত শিক্ষা আৰু স্বাস্থ্যৰ দিশটো আগবঢ়াই নিয়াটো চৰকাৰৰ প্ৰধান লক্ষ্য৷ কন্যা শিশুৰ শিক্ষা আৰু বিবাহৰ বাবে এই আঁচনিৰ অধীনত লাভ কৰে আৰ্থিক সহায়৷

১০. চিফ মিনিষ্টাৰ গাৰ্ল চাইল্ড প্ৰটেক্সন স্কীম আৱ তামিলনাডু

তামিলনাডুৰ মুখ্যমন্ত্ৰী কন্যা শিশু সুৰক্ষা আইনৰ জৰিয়তে সৱলীকৰণৰ দিশটোত গুৰুত্ব দিছে চৰকাৰে৷ শিশুটিৰ স্বাস্থ্য আৰু শিক্ষাৰ সম্পূৰ্ণ দিশটোৰ দায়িত্ব লয় চৰকাৰে৷

এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ