লৰেঞ্চ নে বলকৰণ ব্ৰাৰ, কাৰাগাৰত থকাৰ পাছতো বছৰি খৰচৰ বাবদ লাগে ৪০ লাখ
ছলমান খানক ভাবুকি দিয়াৰ কথাই হওক, বা এন চি পি নেতা বাবা ছিদ্দিকীৰ হত্যাকাণ্ডই হওক, নতুবা পাঞ্জাবী গায়ক সিদ্ধু মুছেৱালাৰ হত্যাকাণ্ডই হওক, সকলো গোচৰতে এটাই মিল আৰু সেয়া হৈছে কাৰাগাৰত থকা কুখ্যাত গেংষ্টাৰ লৰেন্স বিষ্ণোই। বৰ্তমান গুজৰাটৰ সাবৰমতী কাৰাগাৰত আছে লৰেন্স।
জানেনে , কাৰাগাৰত থকা সেই লৰেঞ্চকে খৰচৰ বাবদ বছৰি প্ৰয়োজন প্ৰায় ৪০ লাখ টৰা। লৰেন্সৰ এজন সম্পৰ্কীয় ভাতৃয়ে প্ৰকাশ কৰিছে যে পৰিয়ালটোৱে প্ৰতি বছৰে লৰেন্সৰ বাবে ৪০ লাখ টকা খৰচ কৰে যাতে তেওঁ জেলত কোনো ধৰণৰ অসুবিধাৰ সন্মুখীন নহয়।
ভাতৃয়ে কয় – লৰেন্সে প্ৰতি বছৰে জেলত খৰছ কৰে ৩৫-৪০ লাখ টকা। লগতে ইয়াকো কয় যে, ‘আমাৰ পৰিয়ালটো পূৰ্বজৰে পৰা সমৃদ্ধিশালী। লৰেন্সৰ পিতৃ হাৰিয়ানা আৰক্ষীৰ কনিষ্টবল আছিল, লগতে গাঁৱত তেখেতৰ ১১০ একৰ খেতিৰ মাটি আছে। লৰেন্সে সদায়ে দামী কাপোৰ আৰু জোতা পিন্ধি ভাল পাইছিল। এতিয়াও পৰিয়ালটোৱে জেলত প্ৰতি বছৰে লৰেঞ্চৰ বাবে ৩৫-৪০ লাখ টকা খৰচ কৰে।
পঞ্জাৱৰ ফিৰোজপুৰত জন্মগ্ৰহণ কৰা লৰেন্সৰ প্ৰকৃত নাম বলকৰণ ব্ৰাৰ, স্কুলীয়া দিনতে বলকৰণ লৰেন্স হৈ পৰিছিল। কোৱা হয় যে লৰেন্সৰ পেহীয়েকে তেওঁক লৰেন্স নামটো ৰাখিবলৈ পৰামৰ্শ দিছিল আৰু কৈছিল যে এই নামটোৱে বৰকৰণক শোভা পায়। যাৰ ফলতে বলকৰণ হৈ পৰে লৰেঞ্চ।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
