অসম লাইভ ২৪ঃ সামাজিক মাধ্যমত এগৰাকী কণমানি হস্তীকন্যাৰ ভিডিঅ’ ভাইৰেল হৈ পৰা পিছতে সমগ্ৰ অসমতে চৰ্চা লাভ কৰিছে শিশু কন্যাটিয়ে৷
এই তিনি বছৰীয়া শিশু কন্যাটি হৈছে গোলাঘাট জিলাৰ এৰেঙাপাৰাৰ হৰ্ষিতা বৰা৷
কণমানি হৰ্ষিতাই হস্তীৰ সৈতে ওমলি থকা, খেলি থকা আৰু হস্তীক কণমানিৰ হাতেৰে খাদ্য যোগান ধৰা ভিডিঅ’ ইতিমধ্যে সামাজিক মাধ্যম যোগে ভাইৰেল হৈ পৰিছে৷ ইয়াৰ পিছতে সমগ্ৰ ৰাজ্যজুৰি চৰ্চাৰ কেন্দ্ৰবিন্দু হৈ পৰিছে কণমানি হৰ্ষিতা৷
ইমানেই নহয়, হৰ্ষিতাই হস্তী দুগ্ধপান কৰি থকা অতি নয়নাভিৰাম দৃশ্যও সামাজিক মাধ্যমৰ যোগে ভাইৰেল হৈ পৰিছে৷
ৰাজ্যত ক্ৰমশঃ হস্তী-মানুহৰ সংঘাতে তীব্ৰ ৰূপ ধাৰণ কৰাৰ সময়তে কণমানি হৰ্ষিতাৰ এই ভাইৰেল হোৱা ভিডিঅ’ৱে মানৱ সমাজলৈ প্ৰকৃতিপ্ৰেমৰ এক সুন্দৰ আৰু যোগাত্মক বাৰ্তা প্ৰেৰণ কৰা বুলিও চৰ্চা লাভ কৰিছে৷
ইফালে মাত্ৰ তিনি বছৰ বয়তে হাতীৰ সৈতে নিৰ্ভয়ে একাত্ম হৈ খেলা-ধূলা কৰা আৰু নিজ হাতেৰে খাদ্য যোগান ধৰাৰ দৃশ্যক অতি দুঃসাহসিক বুলি অভিহিত কৰাৰ লগতে দৃষ্টিনন্দন বুলি আখ্যা দিছে নেটিজেনসকলে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
