অসম লাইভ২৪ঃ প্ৰধানমন্ত্ৰী আৱাস যোজনাৰ (PMAY) কৃপাতেই সাৰ্থক হ’ল প্ৰেম৷ একাউণ্টত ধন সোমোৱা মাত্ৰকেই প্ৰেমিকৰ সৈতে পলাল এগৰাকী মহিলা৷ ঘৰৰ বাবদ সোমোৱা প্ৰথম কিস্তিৰ ৫০ হাজাৰ টকা লৈ প্ৰেমিকৰ সৈতে পলায়ন কৰিছে মহিলাগৰাকীয়ে৷ ধন সোমোৱা সত্ত্বেও ঘৰৰ কাম আৰম্ভ নোহোৱাৰ চৰকাৰী প্ৰতিনিধিয়ে নিৰীক্ষণৰ বাবে উপস্থিত হোৱাত পোহৰলৈ আহিছে সমগ্ৰ তথ্য৷ এটা দুটা নহয় চাৰিজন ব্যক্তিয়েই এতিয়া প্ৰশাসনৰ ৰোষত পৰিছে পত্নীসকলৰ বাবেও৷ ধন একাউণ্টত সোমোৱা মাত্ৰকেই প্ৰেমীকৰ সৈতে উধাও হৈছে এই ৪ মহিলা৷
প্ৰধানমন্ত্ৰী আৱাস যোজনাৰ নামত নিম্ন আয়ৰ নাগৰিকসকলে ঘৰ নিৰ্মাণৰ বাবে অনুদান লাভ কৰে৷ কেন্দ্ৰৰ এই প্ৰকল্প অনুযায়ী স্বামী-স্ত্ৰীৰ যৌথ একাউণ্টত এই ধন দিয়া হয়৷ তেনেদৰেই উত্তৰপ্ৰদেশৰ এই চাৰিটা একাউণ্টতো সোমাইছিল ধন৷ প্ৰথম কিস্তিতেই দিয়া হয় ৫০ হাজাৰ টকা৷ অভিযোগ অনুসৰি চাৰি মহিলাই বিবাহ বহিৰ্ভূত সম্পৰ্কত আছিল৷ জয়েণ্ট একাউণ্টত আৱাস যোজনাৰ ধন সোমোৱা মাত্ৰকেই সেই ধন উলিয়াই নিছিল চাৰি যুৱতীয়ে৷ স্বামীৰ অজ্ঞাতেই এই কাৰ্য কৰিছিল ৪ মহিলাই৷
ঘৰ নিৰ্মাণ নোহোৱাতহে ধন উলিয়াই নিয়াৰ কথা গম পায় ৪ গৰাকী স্বামীয়ে৷ ইফালে প্ৰথম কিস্তিৰ ধন নোসোমালে দ্বিতীয় কিস্তিৰ ধনো লাভ নকৰে হিতাধিকাৰীসকলে৷ সেয়ে এইবাৰ ভুক্তভূগী স্বামীয়ে প্ৰশাসনক অনুৰোধ জনাইছে যাতে দ্বিতীয় কিস্তিৰ ধন কোনো কাৰণতে আৰু সেই একাউণ্টত সোমোৱাই নিদিয়ে৷ ইপিনে প্রশাসনেও সমগ্ৰ বিষয়টোক লৈ কেনেকৈ মহিলা ৪ গৰাকীৰ পৰা ধনখিনি উদ্ধাৰ কৰিব পাৰি সেই সম্পৰ্কে চিন্তা-চৰ্চা কৰা বুলিও প্ৰকাশ কৰিছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
