দৈনিক এই ৫ অভ্যাসে কমাইছে স্মৃতিশক্তি, ডিমেনছিয়াৰ আশংকা দূৰ কৰিবলৈ কি কৰিব?

অনিয়ন্ত্ৰিত ছুগাৰ লেবেল

তেজত শৰ্কৰাৰ মাত্ৰা বাঢ়ি গ’লে কেৱল ডায়বেটিছৰ ভয়েই নাথাকে৷ ইয়াৰ জোৰত বহু সময়ত অন্যান্য ৰোগেও আক্ৰমণ কৰে৷ দিনৰ পাছত দিন ডায়বেটিছত ভূগিলে বা শৰীৰত ইনছুলিন ৰেজিটেন্স তৈয়াৰ হলে ই প্ৰদাহ তৈয়াৰ কৰে৷ এই প্ৰদাহে মস্তিষ্কৰ স্বাস্থ্যৰ ওপৰতো প্ৰভাৱ পেলায়৷ ছুগাৰ লেভেল বেছি থাকিলে অক্সিডেটিভ ষ্ট্ৰেছ তৈয়াৰ কৰে আৰু ডিমেনচিয়াৰ আশংকা বঢ়ায়৷

ভুল পানীয় খোৱাৰ অভ্যাস

মদ্যপানৰ বাবে মস্তিষ্কৰ স্বাস্থ্য ক্ষতিগ্ৰস্থ হয়৷ এলক’হলে মস্তিষ্কৰ কোষৰ ওপৰত প্ৰভাৱ পেলাব পাৰে৷ তৈয়াৰ কৰে অক্সিডেটিভ ষ্ট্ৰেছ৷ ইয়াৰোপৰি মদ্যপানৰ বাবে নিউৰোইনফ্লেমেছন তৈয়াৰ হয় এইসমূহে স্মৃতিশক্তি ধৰি ৰখাৰ ক্ষমতা কমাই দিয়ে৷ এলক’হলৰ ওপৰিও চেনী মিহলোৱা পানীয়ইয়ো মস্তিষ্কৰ স্বাস্থ্যৰ বাবে সমানে ক্ষতিকৰ৷

ক্ৰনিক ষ্ট্ৰেছ

মানসিক চাপ বাঢ়িলে শৰীৰত কাৰ্টিছল হৰমন নিঃসৃত হয়৷ আৰু ষ্ট্ৰেছ যদি দৈনিক সংগী হয় তেতিয়া কাৰ্টিছলৰ মাত্ৰাও অস্বাভাৱিকভাৱে বাঢ়ে৷ এই ক্ৰনিক ষ্ট্ৰেছে শৰীৰৰ একাধিক জটিলতা মাতি আনে৷ দিনৰ পাছত দিন অৱসাদ, হতাশাত ভূগিলে কগনিটিভ স্বাস্থ্যও দুৰ্বল হৈ পৰে৷ আৰু বয়সৰ লগে লগে দেখা দিয়ে ডিমেনছিয়াই৷