অসম লাইভ ২৪ঃ মৰ্মান্তিক! একেস্থানতে মাত্ৰ কিছু সময়ৰ ব্যৱধানত দুটাকৈ দুৰ্ঘটনা। বুধবাৰে বান্দ্ৰাৰ পৰা ওৰলি যোৱাৰ পথত দ্বিতীয়টো দুৰ্ঘটনাত মুঠ ৫গৰাকী ব্যক্তিৰ মৃত্যু ঘটাৰ বিপৰীতে গুৰুতৰভাৱে আঘাতপ্ৰাপ্ত হৈছে ১৩ জন।
দুৰ্ভাগ্যজনকভাৱে সেই স্থানতেই এই দুৰ্ঘটনাৰ মাত্ৰ অলপ সময়ৰ ব্যৱধানত আন এটা দুৰ্ঘটনা সংঘটিত হৈছিল। প্ৰথমটো দুৰ্ঘটনাত পতিতসকলক চিকিৎসালয়লৈ নিবলৈ এম্বুলেঞ্চ আহি ৰৈছিলহে মাত্ৰ তেনেতেই আনটো দুৰ্ঘটনা। হঠাতেই দ্ৰুতগতিত অহা এখন বাহনে এম্বুলেঞ্চকে ধৰি বহুকেইখন গাড়ীত খুন্দা মাৰে।
পূৰ্বৰ দুৰ্ঘটনাত আঘাতপ্ৰাপ্তসকলৰ উদ্ধাৰৰ বাবে অহা বহুকেইগৰাকী ব্যক্তিয়েই গুৰুতৰভাৱে আঘাতপ্ৰাপ্ত হয়। ঘটনাস্থলীতেই এগৰাকী মহিলাসহ উদ্ধাৰকাৰী দলৰ ৫ সদস্যাৰ মৃত্যু। আনহাতে আহত হৈছে ১৩ জন লোক। আৰক্ষীয়ে প্ৰকাশ কৰা অনুসৰি আহতসকলৰো ৬ জনৰ অৱস্থা অতি সংকটজনক।
উল্লেখ্য যে মুম্বাইৰ এই দু্ৰ্ঘটনাক লৈ প্ৰধানমন্ত্ৰী মোদীয়েও টুইটযোগে মৃতকৰ পৰিয়াললৈ সমবেদনা জ্ঞাপন কৰিছে। লগতে চিকিৎসাধীন হৈ থকাসকলকো উদ্দেশ্যি প্ৰধানমন্ত্ৰী মোদীয়ে টুইটত লিখিছে, ‘যিসকল আঘাতপ্ৰাপ্ত হৈছে তেওঁলোকৰ দ্ৰুত আৰোগ্য কামনা কৰিছো।’ এই দুৰ্ঘটনাৰ পিছতেই বান্দ্ৰা-ওৰেলিৰ এই পথ বন্ধ কৰাৰ নিৰ্দেশ দিছে প্ৰশাসনে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
