মানৱ সমাজক লজ্জানত কৰা এক জঘন্য কাণ্ড পোহৰলৈ আহিছে৷ এগৰাকী ২০ বছৰীয়া বৃদ্ধৰ কামনাৰ বলি হৈ গৰ্ভৱতী হৈছে এগৰাকী নিঃসহায় কিশোৰী৷
ঘটনাৰ বিৱৰণীৰ মতে নগাঁৱৰ পুৰণিগুদামৰ গায়ন বৈৰাগী গাঁৱৰ ৰামেশ্বৰ হাজৰিকা নামৰ ৭০ বছৰীয়া বৃদ্ধৰ কামনাৰ বলি হৈছে এগৰাকী কিশোৰী৷
৭০ বছৰীয়া বৃদ্ধ ৰামেশ্বৰ হাজৰিকা নামৰ লোকজনৰ কামনাৰ বলি হোৱা নৱম শ্ৰেণীৰ ছাত্ৰীগৰাকীৰ বৰ্তমান পাঁচ মাহৰ গৰ্ভৱতী৷ এই কথা পোহৰলৈ অহাৰ পাছতে সমগ্ৰ অঞ্চলজুৰি চাঞ্চল্যৰ সৃষ্টি হৈছে৷
লগতে পঢ়ক ৰাজপথতে কইনাক এৰি পলায়ন দৰাৰ, তাৰ পাছত কি হ’ল? চাওক ভিডিঅ’…
চলিত বৰ্ষৰ ফেব্ৰুৱাৰী মাহত কিশোৰীগৰাকীক ৰামেশ্বৰে ভেৰভেৰিস্থিত মৃত্যুঞ্জয় মন্দিৰ দেখুৱাবলৈ লৈ গৈছিল৷ অভিযোগ অনুসৰি ৰামেশ্বৰ হাজৰিকাই এক দৃষ্টিহীন দম্পতীৰ সন্তান নৱম শ্ৰেণীৰ ছাত্ৰীগৰাকীক মহামৃত্যুঞ্জয় মন্দিৰলৈ নিশা মেলা দেখুওৱাবলৈ নিয়াৰ চলেৰে পথাৰৰ মাজত ধৰ্ষণ কৰে৷ পিতৃ-মাতৃৰ দৃষ্টি হীনতাৰ সুযোগ লৈ ৰামেশ্বৰে সংঘটিত কৰিছিল এনে জঘন্য কাণ্ড।
নিজা বুলিবলৈ এটা বাসগৃহও নথকা দৃষ্টিহীন দম্পতীহালৰ একমাত্ৰ ভৰসা হৈছে কিশোৰীগৰাকী৷ ইতিমধ্যে ঘটনাটো পোহৰলৈ অহাৰ পাছতে অভিযুক্ত ৰামেশ্বৰ হাজৰিকাক আৰক্ষীয়ে গ্ৰেপ্তাৰ কৰিছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
