অসম লাইভ ২৪ঃ কোভিড ভেকচিন কোভিশ্বিল্ড আৰু কোভাক্সিনৰ সংমিশ্ৰণ পালি গ্ৰহণ কৰা অনুচিত। এই কথা স্পষ্ট কৰে চিৰাম ইনষ্টিটিউট অৱ ইণ্ডিয়াৰ অধ্যক্ষ আদৰ পুনাৱালাই। কোভিডৰ বিৰুদ্ধে যুঁজিবলৈ কোভিশ্বিল্ড আৰু কোভাক্সিনৰ সংমিশ্ৰণ পালি গ্ৰহণৰ কাৰ্যকাৰিতা সন্দৰ্ভত ১১ আগষ্টত এক প্ৰস্তাৱৰ অনুমোদন জনাইছিল DCGIয়ে। কিন্তু চিৰাম ইনষ্টিটিউটৰ অধ্যক্ষই ভেকচিনৰ সংমিশ্ৰণক এক ভুল সিদ্ধান্ত বুলি সদৰী কৰে। যদিহে সংমিশ্ৰিত ভেকচিন গ্ৰহণৰ পৰিনাম হিতে বিপৰীত হয় তেন্তে দুয়োটা ভেকচিন নিৰ্মাতা কোম্পানীৰ ওপৰত অভিযোগ উত্থাপিত হ’ব। ছিৰাম ইনষ্টিটিউটৰ মতে, অন্য কোম্পানীৰ ভেকচিনৰ মানদণ্ড নিম্ন হ’ব পাৰে কিন্তু এনে হ’লে ছিৰাম ইনষ্টিটিউটো সন্দেহৰ আৱৰ্তত সোমাই পৰিব। অন্যহাতে, ভেল্লুৰৰ এক গৱেষণাৰ তথ্য অনুসৰি কোভিড ভেকচিনৰ সংমিশ্ৰিত পালি গ্ৰহন কৰাৰ অনুমতি প্ৰদান কৰা হয়। উল্লেখ্য, ভাৰতত বিগত ২৪ ঘণ্টাত ৪০,১২০ নতুন সংক্ৰমণৰ ঘটনা পোহৰলৈ আহিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
