অসম লাইভ ২৪ঃ বাস্তবায়িত হ’ল গুজৰাটৰ কৃষক কন্যাৰ স্বপ্নৰ উৰণ৷ দেশৰ সৰ্বকনিষ্ঠ বাণিজ্যিক বিমানৰ পাইলটৰূপে স্বীকৃতি লাভ মৈত্ৰী পেটেলৰ৷ ১৯ বৰ্ষীয় মৈত্ৰীয়ে বিমান চালকৰ প্ৰশিক্ষণ গ্ৰহণ কৰে আমেৰিকাত৷ ১১ মাহৰ প্ৰশিক্ষণ গ্ৰহণৰ পাছত বাণিজ্যিক বিমান উৰণৰ অনুজ্ঞাপত্ৰ লাভ কৰে মৈত্ৰী পেটেলে৷ শৈশৱৰ পৰাই পাইলট হোৱাৰ সপোন দেখা মৈত্ৰীয়ে দ্বাদশ উত্তীৰ্ণ হোৱাৰ পাছতেই বিমান চালকৰ প্ৰশিক্ষণ গ্ৰহণ কৰে৷ সাধাৰণতে প্ৰশিক্ষণ সম্পূৰ্ণ কৰিবলৈ ১৮ মাহ সময়ৰ প্ৰয়োজন যদিও নিজৰ দক্ষতাৰে ১১ মাহতেই পাঠ্যক্ৰম সম্পূৰ্ণ কৰি পাইলটৰ অনুজ্ঞাপত্ৰ লাভ কৰে৷ কন্যাক লৈ স্বাভাৱিকতেই গৌৰৱান্বিত পিতৃ কান্তি পেটেল৷ বৰ্তমান মৈত্ৰীয়ে ভাৰতৰ মানক প্ৰশিক্ষণ গ্ৰহণ কৰিব৷ তাৰ পাছতহে ভাৰতত বাণিজ্যিক বিমান উৰণৰ অনুজ্ঞাপত্ৰ লাভ কৰিব৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
