অসমীয়া জাতিসত্বাৰ ওপৰত বাৰে বাৰে এই আক্ৰমণ কিয়? কিয় বৰাকবাসীয়ে বাৰে বাৰে মূলসুঁতিৰ পৰা আতৰি যাব বিচাৰে!

অসম লাইভ ২৪ঃ অসমীয়া ভাষাক অপমান অব্যাহত৷ গৰজি উঠিছে ব্ৰহ্মপুত্ৰ উপত্যকাৰ জাতীয় সংগঠন৷ শিলচৰত পুনৰ অসমীয়া ভাষাক অপমান৷ চৰকাৰী হর্ডিঙৰ অসমীয়া আখৰত ক’লা ৰং ২ বাঙালী সংগঠনৰ৷ সোমবাৰে জল জীৱন মিছনৰ হর্ডিঙত সানিলে ক’লা ৰং৷ কাছাৰ জিলা প্ৰশাসনে গোচৰ ৰুজু কৰিছে সংগঠন দুটাৰ বিৰুদ্ধে৷ বৰাকৰ এই ২ সংগঠনৰ বিৰুদ্ধে বিভিন্ন ঠাইত ৰুজু হৈছে গোচৰ৷ বৰাকত অসমীয়া ভাষাৰ পৰিৱর্তে বাংলা ভাষাত চৰকাৰী বিজ্ঞাপন প্ৰচাৰৰ দাবী দুটা সংগঠনৰ। দুটা গুৰুত্বহীন সংগঠন BDYT আৰু সদৌ বাঙালী যুৱ ছাত্ৰ সন্থা। এই দুই সংগঠনে জলজীৱন মিছনৰ চৰকাৰী বেনাৰত অসমীয়া আখৰ মচি বাংলাত লিখাৰ দাবী তোলাৰ লগে লগে সমগ্ৰ ৰাজ্যতে তীব্ৰ প্ৰতিক্ৰিয়াৰ সৃষ্টি হৈছে। ব্ৰহ্মপুত্ৰ উপত্যকাৰ বিভিন্ন সংগঠন জাঙুৰ খাই উঠিছে। কিন্তু এই প্ৰতিক্ৰিয়াৰ পাছতো পুনৰ শিলচৰ ৰামনগৰস্থিত ISBT ত একেই কাণ্ডই সংঘটিত কৰিলে। বিভিন্ন মহলৰ ধিক্কাৰ, গৰিহণাৰ পাছতো দুষ্কার্য চলাই গৈছে সংগঠন দুটাই। ইমানৰ পাছতো পুনৰ অসমীয়া হর্ডিঙত ক’লা ৰং সানি দিয়াৰ আঁৰত কি ৰহস্য? Aiudf ৰ বিধায়ক ড০ হাফিজ ৰফিকুল ইছলামে এই ঘটনাৰ তীব্ৰ প্ৰতিক্ৰিয়া ব্যক্ত কৰে৷ টাই আহোম যুৱ পৰিষদে বৰাকৰ ঘটনাৰ দুষ্কৃতিকাৰীক শীঘ্ৰে গ্ৰেপ্তাৰৰ দাবী কৰিছে। অসমীয়া ভাষাৰ বিৰুদ্ধে একাংশ লোকৰ এই মনোভাৱ ৰাজ্যখনৰ বাবে অতি ক্ষতিকৰ। সময়ে সময়ে এনে পৰিস্থিতি উদ্ভৱ হৈ আহিছে। অসমীয়া ভাষাৰ বিৰুদ্ধে এনে কার্য কৰা সংগঠন, নেতাৰ বিৰুদ্ধে চৰকাৰে শীঘ্ৰে দৃষ্টান্তমূলক ব্যৱস্থা গ্ৰহণ কৰা উচিত। কোনোপধ্যে অসমীয়া ভাষাক অপমান কৰা কার্য ভৱিষ্যতে কোনেও কৰিব নোৱাৰে তাৰো নিশ্চয়তা দিব লাগিব চৰকাৰে।

এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ