অসম লাইভ ২৪ঃ ‘‘জয় ভীম’’ দক্ষিণৰ চিনেমাৰ এখন সফল ছবি। সফল মানে ‘‘জয় ভীম’’ এখন ছুপাৰহিট ছবি। সীমিত বাজেটেৰে নিৰ্মাণ কৰা এই ছবিখনে মুক্তিৰ প্ৰথম দিনটোতে দৰ্শকৰ মন জয় কৰিবলৈ সক্ষম হৈছিল লগতে ছবিখনত খৰচ হোৱা ধনৰ বিপৰীতে ৪ গুণ অধিক ধন লাভ কৰিবলৈ সক্ষম হৈছে ‘‘জয় ভীমে’’ । দক্ষিণৰ ছুপাৰষ্টাৰ সুৰিয়াই প্ৰযোজনা কৰা লগতে নিজেই অভিনয় কৰা এইখন ছবি হয়তো সুৰিয়াৰ জীৱনকালৰ অন্তত এখন মনত ৰাখিবলগীয়া ছবি। চলিত মাহৰ ২ নৱেম্বৰ তাৰিখে ছবিগৃহৰ পৰিৱৰ্তে OTT প্লেটফৰ্ম ‘‘আমাজন প্ৰাই’’ত মুক্তি দিয়া হৈছিল ছবিখন। একেটা সময়তে হিন্দী , তামিল, তেলেগুকে ধৰি ভাৰতৰ কেইবাটাও ভাষাত অনুবাদ কৰি মুক্তি দিয়া ছবিখনে নিজা কাহিনী, অভিনয়, চিত্ৰনাট্যই দৰ্শকক মোহাচ্ছন্ন কৰি IMDB ৯.৬ ৰেটিং পাবলৈ সক্ষম হৈছে আৰু বৰ্তমান সময়লৈকে ‘‘আমাজন প্ৰাইম’’ত মুক্তিলাভ কৰা অন্য কোনো ৱেব চিৰিজ বা ছবিক পিছ পেলাই এইখন ছবিয়েই হৈছে সকলোতকৈ অধিক ধন আহৰণ কৰা আৰু সকলোতকৈ অধিক ৰেটিং প্ৰাপ্ত ছবি। ইতিমধ্যে ‘‘জয় ভীম’’ ছবিখনে পূৰ্বৰ সকলো ছবিৰ অভিলেখ ভংগ কৰিলে ‘‘আমাজন প্ৰাইম’’ৰ প্লেটফৰ্মত।
Click Here for more:
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
