aঅসম লাইভ২৪ঃ শীঘ্ৰেই দেশত আৰম্ভ হ’ব 6G সেৱা৷ ২০২৪ চনৰ ভিতৰত দেশত উপলব্ধ হ’ব 6G ইণ্টাৰনেট সেৱা৷ মঙলবাৰে এই কথা ঘোষনা কৰে কেন্দ্ৰীয় জনসংযোগ মন্ত্ৰী অশ্বিনী বৈষ্ণৱে৷ New Technology and Green Economy: Two Trends Shaping a New India শীৰ্ষক এক ৱেবিনাৰত অংশগ্ৰহণ কৰি ভাৰতত এই সেৱা মুকলি কৰা হ’ব বুলি সদৰী কৰে অশ্বিনী বৈষ্ণৱে৷ ভাৰতত নিজা প্ৰযুক্তিৰে আৰম্ভ হ’ব এই সেৱা৷ প্ৰযুক্তি উদ্ভাৱনৰ বাবে ইতিমধ্যে বিজ্ঞানী আৰু অভিযন্তাক অনুমতি প্ৰদান কৰিছে কেন্দ্ৰই৷ দেশত প্ৰস্তুত হোৱা টেলিক’ম ছফ্টৱেৰ দেশীয় টেলিকম সঁজুলি আৰু দেশৰ নেটৱৰ্কেৰে এই সেৱা আগবঢ়োৱা হ’ব৷ অৱশ্যে 5G স্পেকট্ৰামৰ নিলামৰ প্ৰক্ৰিয়া সম্পূৰ্ণ হ’লেই দেশত উপলব্ধ হ’ব 6G সেৱা৷ উল্লেখ্য ২০২২ চনত আৰম্ভ হ’ব নিলামৰ কাম৷ ইতিমধ্যে নিলামৰ যাৱতীয় প্ৰক্ৰিয়া আৰম্ভ কৰিছে টেলিকম ৰেগুলেটৰী অথৰিটি অৱ ইণ্ডিয়াই৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
