অসম লাইভ ২৪ঃ সলনি হ’ব কমাণ্ডো বেটেলিয়নত নিযুক্তি প্ৰক্ৰিয়া৷ বুধবাৰে বঙাইগাঁৱত অনুষ্ঠিত হয় ৰাজ্য চৰকাৰৰ কেবিনেট বৈঠকত গ্ৰহণ কৰা হয় বিশেষ সিদ্ধান্ত৷ ২৪ ৰ বছৰ বয়সৰ পৰিৱৰ্তে এতিয়াৰে কমাণ্ডো বেটেলিয়নত নিযুক্তিৰ ঊৰ্ধসীমা নিৰ্ধাৰণ কৰা হৈছে ২১ বছৰ৷ কিন্তু ST/SC প্ৰাৰ্থীৰ বাবে কি ধৰণৰ শিথিলতা গ্ৰহণ কৰিব বৰ্তমান সেই সিদ্ধান্ত গ্ৰহণ কৰা নাই আজিৰ কেবিনেটত৷ ইয়াৰ উপৰি কেবিনেট বৈঠকত কেইবাটাও গুৰুত্বপূৰ্ণ সিদ্ধান্ত গ্ৰহণ কৰা হয়৷ কেবিনেটৰ অন্তত সংবাদমেল সম্বোধন কৰে মুখ্যমন্ত্ৰী ড০ হিমন্ত বিশ্ব শৰ্মাই৷ নতুন ৰাষ্ট্ৰীয় শিক্ষা নীতিৰ আধাৰত অসমৰ শিক্ষা ব্যৱস্থালৈ ব্যাপক পৰিৱৰ্তন আহিব৷ শিক্ষা নীতি সন্দৰ্ভত কেইবাটাও গুৰুত্বপূৰ্ণ সিদ্ধান্ত গ্ৰহণ কৰে কেবিনেটে৷ ইয়াৰ উপৰি ভূমি লবেদখল সন্দৰ্ভতো কেবিনেটত সিদ্ধান্ত গ্ৰহণ৷ সত্ৰৰ ভূমি বেদখলমুক্ত কৰা বিজেপিৰ অন্যতম প্ৰধান নিৰ্বাচনী প্ৰতিশ্ৰুতি আছিল৷ বেদখল উচ্ছেদ অব্যাহত ৰখা চৰকাৰে এইক্ষেত্ৰত এখন বিশেষ কমিটী গঠন কৰি দিছে৷ কমিটীৰ অধ্যক্ষ বিধায়ক প্ৰদীপ হাজৰিকা৷ কমিটীৰ সদস্য বিধায়ক মৃণাল শইকীয়া, বিধায়ক ৰূপক শৰ্মা৷ বঙাইগাঁৱক লৈ কেইবাটাও সিদ্ধান্ত গ্ৰহণ কৰা হয় কেবিনেটত৷ বঙাইগাঁৱত স্থাপন হ’ব মেডিকেল কলেজ৷ বঙাইগাঁও কলেজ বিশ্ববিদ্যালয়লৈ উন্নীত হ’ব৷ কেবিনেটৰ এই সিদ্ধান্ত স্বাভাৱিকতে ৰাজ্যখনৰ বাবে অতি গুৰুত্বপূৰ্ণ৷ ৰাষ্ট্ৰীয় শিক্ষা নীতি কাৰ্যকৰীকৰণৰ দিশে অসম আগবাঢ়িছে৷ ই এক প্ৰত্যাহ্বানমূলক যদিও শিক্ষাক্ষেত্ৰত নতুন দিগন্তৰ সূচনাযে কৰিব সেয়া নিশ্চিত৷ বঙাইগাঁৱত অনুষ্ঠিত কেবিনেটৰ সিদ্ধান্তসমূহ কাৰ্যকৰীকৰণৰ বাবে চৰকাৰে খৰতকীয়াকৈ ব্যৱস্থা ল’ব বুলি আশা কৰিছে জনসাধাৰণে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
