অসম লাইভ ২৪ঃ অসম চৰকাৰৰ মাননীয় মুখ্যমন্ত্ৰীয়ে কিছুদিনৰ পূৰ্বে ঘোষণা কৰিছিল যে ৰাজ্যৰ পুৰোহিত আৰু নামঘৰীয়াসকলক কোভিডৰ ফলত হোৱা আৰ্থিক সংকটৰ বাবে ১৫ হাজাৰ টকাকৈ এককালীন সাহায্য প্ৰদান কৰা হ’ব। আৰু এই সাহায্য লাভ কৰিবৰ বাবে নিদিষ্ট মাধ্যমেৰে আৱেদন কৰিব লাগিব ৰাজ্যৰ পুৰোহিত আৰু নামঘৰীয়া সমাজে। কিন্তু এই আৱেদনৰ বাবে চৰকাৰৰ ফালৰ পৰা নিৰ্দিষ্ট কিছু প্ৰমাণ পত্ৰৰ লগতে অৰ্হতা থকাটো অত্যন্ত প্ৰয়োজনীয়।
প্ৰথমতে প্ৰয়োজনীয় অৰ্হতা
* আৱেদনকাৰী অসমৰ স্থায়ী বাসিন্দা হ’ব লাগিব।
* ০১/০১/২০২১ সময়ৰ লৈকে আৱেদনকাৰীৰ বয়স ৪০ বছৰ হ’ব লাগিব।
* আৱেদনকাৰীয়ে কোনো মন্দিৰ অথবা নামঘৰত ন্যূনতম পাঁচ বছৰ সেৱা কৰাৰ আভিজ্ঞতা থাকিব লাগিব।
* সেৱা আগবঢ়োৱাৰ বিনিময়ত আৱেদনকাৰীয়ে নামঘৰ বা মন্দিৰৰ পৰচালনা সমিতিৰ পৰা মাহেকীয়া হিচাপত মাননিৰ পৰিমান উল্লেখ কৰিব লাগিব
* আৱেদনকাৰীয়ে সেৱা আগবঢ়োৱা মন্দিৰ বা নামঘৰ অন্তত পঞ্চাশ বছৰীয়া পুৰণি হ’ব লাগিব
* বাৰ্ষিক আয় ৩ লাখ তলৰ হোৱাটো বাধ্যতামূলক
* কোনো চৰকাৰী পেঞ্চন পোৱা ব্যক্তিয়ে এই আৱেদন কৰিব নোৱাৰিব।
* এগৰাকী আৱেদনকাৰীয়ে মাত্ৰ এবাৰহে আৱেদন কৰিব পাৰিব
* আৱেদনকাৰীৰ নিজৰ নামত বেংক একাউন্ট থকাটো বাধ্যতামূলক
* বেংক পাছবুকৰ নাম আৰু আৱেদনকাৰীৰ নাম সম্পূৰ্ণ একে হ’ব লাগিব।
* শুদ্ধ ৰূপত দাখিল কৰিব লাগিব IFSC কোড
এইবাৰ আহিছো আৱেদনকাৰীক প্ৰয়োজন হোৱা নথিপত্ৰৰ তালিকালৈ
* আৱেদনকাৰীয়ে শেহতীয়া এখন পাচপোৰ্ট ফটো আপলোড কৰিব লাগিব
* বয়সৰ প্ৰমাণ হিচাপে আৱেদনকাৰীয়ে যিকোনো এখন প্ৰমান পত্ৰ আপলোড কৰিব লাগিব
* ন্যূনতম পাঁচ বছৰ সেৱা আগবঢ়োৱাৰ অভিজ্ঞতা সম্পৰ্কীয় প্ৰমান পত্ৰ আপলোড কৰিব লাগিব আৱেদনকাৰীয়ে
* আৱেদনকাৰীয়ে নামঘৰ অথবা মন্দিৰত ধৰ্মীয় ৰীতি-নীতি পালন কৰি থকাৰ এখন ফটো আপলোড কৰিব লাগিব।
* আৱেদনকাৰীয়ে বেংক পাচবুকৰ প্ৰথম পৃষ্ঠা স্পষ্টকৈ আপলোড কৰিব লাগিব
* মাহেকীয়া মাননিৰ ক্ষেত্ৰতো আৱেদনকাৰীয়ে পৰিচালনা সমিতিৰ সভাপতি সম্পাদকে স্বাক্ষৰ কৰা এখন প্ৰমান পত্ৰ আপলোড কৰিব লাগিব
এতিয়া আহিছো ক’ত কেনেকৈ আৱেদন কৰিব
২৬ নৱেম্বৰৰ পৰা ১৫ ডিচেম্বৰৰ ভিতৰত আৱেদনকৰীসকলে প্ৰ-পত্ৰ আপলোড কৰিব লাগিব WWW.anudaanassamculture.com ত। আৰু যথা সময়ত আৱেদনকাৰীসকলৰ তালিকা প্ৰকাশ কৰা হ’ব উক্ত ৱেব চাইটত।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
