অসম লাইভ ২৪ঃ গোলাঘাটৰ সৰুপথাৰৰ টেঙানী গেৰুকানী গাঁৱত বাঘৰ সন্ত্ৰাস। বাঘৰ আক্ৰমণত গুৰুতৰভাৱে আঘাতপ্ৰাপ্ত হয় দেৱজিৎ ফুকন(৫০) নামৰ এজন লোক। সোমবাৰে নিজৰ ঘৰৰ ওচৰত বাঘ ওলাৱাৰ কথা স্থানীয় লোকে কোৱাত গাঁওবুঢ়া দেৱজিৎ ফুকন ঘটনাস্থলীত উপস্থিত হয়। বাঘৰ অতৰ্কিত আক্ৰমণত চকুৰ এটা অংশত গুৰুতৰভাৱে আঘাতপ্ৰাপ্ত হয় ব্যক্তিগৰাকী৷ পৰিয়ালৰ লোকে বাঘে আক্ৰমণ কৰা প্ৰত্যক্ষ কৰি হুলস্থূল কৰাত ঘটনাস্থলীৰ পৰা বাঘটো পলায়ন কৰে ৷ স্থানীয় লোকৰ সন্দেহ বৰ্তমানেও কাষৰ বাগানতেই আছে বাঘটো, যাৰ বাবে এতিয়া শংকাত ভূগিছে গাঁওবাসীয়ে৷ সম্প্ৰতি গোলাঘাট শ্বহীদ কুশল কোঁৱৰ অসামৰিক চিকিৎসালয়ত চিকিৎসাধীন আহত ব্যক্তিগৰাকী। ঘটনাক লৈ তীব্ৰ চাঞ্চল্য সৃষ্টি হৈছে টেঙানী গেৰুকানী গাঁৱত। ঘটনাস্থলীত বন বিভাগৰ লোক উপস্থিত হৈ নিয়ন্ত্ৰণ কৰে পৰিস্থিতি৷
ৰাজকল্প হাজৰিকা
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
