দক্ষ বুলি দম্ভ মাৰি ফুৰা অসম চৰকাৰৰ গৃহ বিভাগৰ ব্যৰ্থতাক পুনৰ এবাৰ উন্মুক্ত কৰিলে গুৱাহাটী উচ্চ ন্যায়ালয়ে৷ গুৱাহাটী উচ্চ ন্যায়ালয়ত অসম চৰকাৰে ৰাজ্যখনত অব্যাহত থকা এনকাউন্টাৰ সন্দৰ্ভত দাখিল কৰিবলগীয়া শপতনামা দাখিলত ব্যৰ্থ হৈছে৷
অসম চৰকাৰৰ গৃহ বিভাগে এই সন্দৰ্ভত শপতনামা দাখিলত ব্যৰ্থ হোৱাৰ পিছতে ন্যায়ালয়ে পুনৰ কিছু দিন ধাৰ্য কৰি দিছে৷ অহা ৮ ফেব্ৰুৱাৰিত গোচৰটো পৰৱৰ্তী শুনানি কৰা হ’ব৷
উল্লেখ্য যে ক্ষমতালৈ আহিয়ে মুখ্যমন্ত্ৰী ডঃ হিমম্ত বিশ্ব শৰ্মাই ৰাজ্যত এনকাউণ্টাৰ আৰম্ভ কৰিছে৷ এইনকাণ্টাৰৰ প্ৰকোপ ৰাজ্যত ইমানেই বৃদ্ধি পাইছে যে ৰাজ্যৰ বিভিন্ন দল সংগঠন, বিৰোধী ৰাজনৈতিক দল আৰু জনসাধাৰণে মকুলিলৈ একাউণ্টাৰ বিৰোধ কৰিবলৈ আৰম্ভ কৰিছে৷
ইয়াৰ পিছতে অধিবক্তা মোঃ য়েছিন জৱাড্ডাৰে বিষয়টো ন্যায়ালয়ৰ মজিয়ালৈ লৈ যায়৷ মুখ্য ন্যায়াধীশ সুধাংশু ধুলিয়া আৰু ন্যায়াধীশ সৌমিত্ৰ ডেকাৰ খণ্ড বিচাৰপীঠে শুনানি গ্ৰহণ কৰি যোৱা ১১ জানুৱাৰীতে অসম চৰকাৰক এনকাউণ্টাৰ সন্দৰ্ভত এক শপতানামা দাখিল কৰিবলৈ নিৰ্দেশ দিছিল৷
কিন্তু আজি পৰ্যন্ত অসম চৰকাৰে উচ্চ ন্যায়ালয়ত এনকাউণ্টাৰ সন্দৰ্ভত শপতনামা দাখিল কৰিবলৈ সক্ষম হোৱা নাই৷ ইফালে বিষয়টো সন্দৰ্ভত অসম চৰকাৰৰ এডভোকেট জেনেৰেল দেৱজিৎ শইকীয়াই শপতনামাখন প্ৰস্তুত কৰি থকা বুলি জানিবলৈ দিয়ে৷ শইকীয়াই আদালাতৰ পৰা শপতনামাখন সম্পূৰ্ণ কৰিবলৈ সময় বিচৰা বুলি জানিবলৈ দি কয় যে শপতনামাত দাখিলৰ বাবে ন্যায়ালয়ে চৰকাৰক আৰু ১০ দিনৰ সময় নিৰ্ধাৰণ কৰি দিছে৷
উল্লেখ্য যে উচ্চ ন্যায়ালয়ে অসম চৰকাৰৰ প্ৰধান সচিব (গৃহ), সচিব (গৃহ) বা অতিৰিক্ত সচিব (গৃহ)ক কথিত ভুৱা এনকাউণ্টাৰ সন্দৰ্ভত বিতং শপতনামা দাখিল কৰিবলৈ নিৰ্দেশ দিছিল।
অসম চৰকাৰৰ উপৰিও অসম আৰক্ষীৰ ডিজিপি, আইন আৰু ন্যায় বিভাগ, ৰাষ্ট্ৰীয় মানৱ অধিকাৰ আয়োগ আৰু অসম মানৱ অধিকাৰ আয়োগক অধিবক্তা আৰিফ মোঃ য়েছিন জৱাড্ডাৰে দাখিল কৰা আবেদনখনত উত্তৰদাতা হিচাপে নামকৰণ কৰা হৈছে।
ইফালে আবেদনকাৰী জৱাড্ডাৰে ভুক্তভোগী পৰিয়ালক আৰ্থিক ক্ষতিপূৰণ দিয়া, চিবিআই, এছআইটি অথবা আন ৰাজ্যৰ যিকোনো আৰক্ষী দলৰ দৰে স্বতন্ত্ৰ সংস্থাৰ দ্বাৰা এনকাউণ্টাৰৰ তদন্ত কৰিবলৈ দাবী জনাইছে৷
স্মৰ্তব্য যে ডঃ হিমন্ত বিশ্ব শৰ্মাৰ আমোলত ৰাজ্যত ৮০টাৰো অধিক এনকাউণ্টাৰ সংঘটিত হৈছে৷ ইয়াৰ ফলত ২৮ জন লোকৰ মৃত্যু হোৱাৰ লগতে ৪৮ জনৰো অধিক লোক আহত হৈছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
