মংগলবাৰে কেন্দ্ৰীয় বিত্তমন্ত্ৰী নিৰ্মলা সীতাৰমণে সংসদত দাখিল কৰে ২০২২-২৩ বিত্তীয় বৰ্ষৰ বাজেট৷
সীমাৰমণে ডিজিটেল ফৰ্মেটত দাখিল কৰা বাজেটত বিশেষ ৪ টা বিষয়ত গুৰুত্ব প্ৰদান কৰা দেখা গ’ল৷ এই দিশ চাৰিটা হৈছে ক্ৰমে প্ৰধানমন্ত্ৰী গণশক্তি, অন্তভুৰ্ক্তিমূলক উন্নয়ন, শক্তিৰ ৰূপাম্তকৰণ আৰু প্ৰদূষণ প্ৰতিৰোধ কাৰ্যকৰণ আৰু বিত্তীয় বিনিয়োগ৷
অৰ্থনীতিৰ প্ৰাকৃতিক বিকাশৰ বাবে অৰ্থনীতি সুস্থিৰতাৰ প্ৰয়োজন আৰু ইয়াৰ বাবে ৰাজহুৱা বিনিয়োগৰ ক্ষেত্ৰত বিশেষ গুৰুত্ব আৰোপ কৰা বুলিও নিজৰ বাজেট ভাষণত মন্তব্য কৰে বিত্ত মন্ত্ৰী সীতাৰমণে৷
প্ৰত্যক্ষ কৰত কোনো পৰিৱৰ্তন কৰা নাই যদিও নিৰ্মাণ খণ্ডৰ ক’ৰ্পৰেট কৰ নিম্নতম ১৫ শতাংশলৈ সম্প্ৰসাৰিত কৰা হৈছে৷ কিন্তু লক্ষণীয়ভাৱে বিত্ত মন্ত্ৰীয়ে কীপ্ট’ কাৰেন্সীৰ ক্ষেত্ৰত কৰ আৰোপৰ এক নতুন ব্যৱস্থাও ৰাখিছে৷
বাজেটৰ ১০ টা শীৰ্ষ দিশ :-
১. মূলধনৰ ব্যয় ৩৫.৪ শতাংশলৈ বৃদ্ধি
২০২২-২৩ বিত্তীয় বৰ্ষত মূলধন ব্যয় ৪.৪৫ লাখ কোটি টকাৰ পৰা ৭.৫০ লাখ কোটি টকালৈ বৃদ্ধি কৰাৰ লক্ষ্য নিৰ্ধাৰণ কৰা হৈছে৷
২. প্ৰধানমন্ত্ৰী গণশক্তি কাৰ্মসূচী গুৰুত্ব
বাজেটত সাতটা বিশেষ ক্ষেত্ৰক গুৰুত্ব দিয়া হৈছে৷ এই সাতটা ক্ষেত্ৰ হৈছে ক্ৰমে পথ, ৰে’লৱে, বিমানবন্দৰ, বন্দৰ, ৰাজহুৱা পৰিবহণ, জল পৰিবহণ আৰু ল’জিষ্টিক আন্তগাঁথনি৷
ইয়াৰে ৰাষ্ট্ৰীয় ঘাইপথত ২৫ হাজাৰ কিলোমিটাৰ নিৰ্মাণৰ লগতে অন্যান্য উদ্ভাৱনী ক্ষেত্ৰত ২০ হাজাৰ কোটি টকা ব্যয়ৰ লক্ষ্য নিৰ্ধাৰণ কৰা হৈছে৷
৩. ক্ষুদ্ৰ উদ্যোগ বৃদ্ধিৰ বাবে এছএলজিএছ আঁচনিৰ সম্প্ৰাসৰণ
এই শিতানত ৫০ হাজাৰ কোটি টকা ব্যয়ৰ লক্ষ্য নিৰ্ধাৰণ কৰা হৈছে৷
৪. বিশেষ অৰ্থনৈতিক ক্ষেত্ৰৰ বাবে নতুন আইন প্ৰণয়ন
ই ৰপ্তানিৰ প্ৰতিযোগিতামূলকতা বৃদ্ধি কৰিবলৈ সকলো বৃহৎ আৰু নতুন ঔদ্যোগিক ক্ষেত্ৰক সামৰি ল’ব৷
৫. কীপ্ট’ কৰৰ ব্যৱস্থা
যিকোনো ডিজিটেল ভাৰ্চুৱেল সম্পদৰ পৰা ধন উপাৰ্জন কৰি ট্ৰেন্সফাৰ কৰিলে ৩০ শতাংশ পৰ্যন্ত কৰ আৰোপ কৰা হ’ব পাৰে৷
৬. নতুন নিৰ্মাণ খণ্ডত নিম্ন হাৰৰ কৰ সম্প্ৰসাৰণ
২০২৪ মাৰ্চলৈকে এই ক্ষেত্ৰত ১৫ শতাংশ নিম্নতম হাৰত কৰ সম্প্ৰসাৰণ কৰা হ’ব৷
৭. ডাকঘৰৰ বেংকিং বৃদ্ধি
দেশৰ ১.৫ লাখ ডাকঘৰত ১০০ শতাংশ বেংকিং সম্প্ৰসাৰণৰ লক্ষ্য নিৰ্ধাৰণ কৰা হৈছে৷
৮. ডিজিটেল মুদ্ৰা
ভাৰতত প্ৰথমবাৰৰ বাবে ডিজিটেল মুদ্ৰাৰ প্ৰৱৰ্তন কৰা হ’ব৷ বিত্তীয় বৰ্ষৰ ২০২৩ত ভাৰতীয় ৰিজাৰ্ভ বেংকে ডিজিটেল মুদ্ৰা প্ৰৱৰ্তন কৰিব৷
৯. নিম্ন উপাৰ্জনক্ষম লোকৰ গৃহত পানী যোগান আঁচনি
‘হৰ ঘৰ নাল চে জল’ৰ অধীনত ৮.৫ কোটি গৃহৰ ভিতৰত ৫.৫ কোটি গৃহত পানী যোগান সম্পূৰ্ণ কৰা হৈছে যদিও ২০২২-২৩ বিত্তীয় বৰ্ষত ইয়াৰ বাবে ৬০ হাজাৰ কোটি ধাৰ্য কৰা হৈছে৷
১০. আত্মনিৰ্ভৰ প্ৰতিৰক্ষা আন্তঃগাঁথনি
ঘৰুৱা ব্যক্তিগত উদ্যোগৰ বাবে নিৰ্ধাৰিত প্ৰতিৰক্ষা ক্ৰয় বাজেট ৬৮% ধাৰ্য কৰা হৈছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
