সমাগত পৌৰসভা নিৰ্বাচনৰ প্ৰতি লক্ষ্য ৰাখি মঙলবাৰে মন্ত্ৰী ৰণজিৎ কুমাৰ দাসে বৰপেটা ৰোড উন্নয়নৰ বাবে ১০ খনকৈ আঁচনিৰ আধাৰশিলা স্থাপন কৰে। প্ৰায় ১ কোটি ৩৮ লাখ ব্যয় সাপেক্ষে চহৰখনৰ ১০খনকৈ আঁচনিৰ আধাৰশিলা স্থাপন কৰি কয়, এই আঁচনিৰ দ্বাৰা বৰপেটাৰোডৰ বিভিন্ন অভাৱ-অভিযোগ পূৰণ হ’ব।
নগৰ উন্নয়ন মন্ত্ৰী অশোক সিংঘালে বৰপেটাৰোড আৰু পৌৰসভাৰ বাবে আঢ়ৈ কোটি টকাৰ আৱন্টন দিয়া বুলি মন্ত্ৰী ৰনজিৎ কুমাৰ দাসে উল্লেখ কৰে। আৱন্টিত টকাৰে পৌৰসভা দুখনৰ বাটপথ, পুখুৰী , পাৰ্ক আদি আটকধুনীয়াকৈ সজোৱাৰ কথাও উল্লেখ কৰে। লগতে বৰপেটাৰোড চহৰখনক চাফ-চিকুন কৰি ৰাখিবলৈ প্ৰতিগৰাকী ব্যক্তিকে আহ্বান জনায় মন্ত্ৰী ৰনজিৎ কুমাৰ দাসে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
