পাকিস্তানৰ নিৰ্মাতা মহম্ম আলী জিন্নাৰ সৈতে ৰিজোৱাই নহয়, ৰাহুল গান্ধীক বৰ্তমানৰ জিন্না বুলিও অভিহিত কৰিলে অসমৰ মুখ্যমন্ত্ৰী ডঃ হিমন্ত বিশ্ব শৰ্মাই৷
ইফালে মুখ্যমন্ত্ৰী ডঃ হিমন্ত বিশ্ব শৰ্মাই কেৱল আজিৰ দিনৰ জিন্না বুলি অভিহিত কৰাই নহয় পাকিস্তানৰ ভূখণ্ডত ভাৰতীয় সৈন্য চাৰ্জিকেল ষ্ট্ৰাইক চলোৱাৰ প্ৰমাণ বিচৰাৰ বাবে ৰাহুল গান্ধীক ‘আমি আপোনাক সঁচাই ৰাজীৱ গান্ধীৰ পুত্ৰ হয় নে নহয়’ সুধিছো নেকি বুলিও প্ৰশ্ন কৰে৷
কংগ্ৰেছ নেতা ৰাহুল গান্ধীয়ে ১৯৪৭ৰ পূৰ্বে মহম্মদ আলী জিন্নাই দিয়াৰ দৰে এতিয়া মানুহক উত্তেজিত কৰি তোলা ভাষণ দিয়ে বুলিও উল্লেখ কৰে মুখ্যমন্ত্ৰী ডঃ শৰ্মাই৷
আনহাতে, ৰাহুল গান্ধীক কিয় আধুনিক জিন্না বুলি অভিহিত কৰিলে তাৰ কাৰণ শনিবাৰে ব্যাখ্যা কৰিছে ডঃ হিমন্ত বিশ্ব শৰ্মাই৷
সেনা জোৱানে এমাহৰ পূৰ্বে শত্ৰুৰ বিৰুদ্ধে যুঁজিবলৈ আঁচনি প্ৰস্তুত কৰে৷ এয়া কৌশলগত অভিযান আৰু অভিযানৰ পিছতহে প্ৰেছ বিজ্ঞপ্তিৰ জৰিয়তে প্ৰকাশ কৰা হয় বুলি প্ৰকাশ কৰি মুখ্যমন্ত্ৰী শৰ্মাই লগতে কয় যে আমি সকলোৱে এই সম্পৰ্কে অৱগত আৰু ইয়াৰ প্ৰমাণ বিচৰাটোৱে সেনা জোৱানসকলৰ মনত দুখ দিয়ে৷
মুখ্যমন্ত্ৰী ডঃ হিমন্ত বিশ্ব শৰ্মাৰ মতে শৰীৰত জিন্নাৰ ভূটে লম্ভাৰ বাবেই সংসদত ৰাহুল গান্ধীয়ে বিজেপিৰ ওপৰত এইদৰে আক্ৰমণ কৰি আহিছে৷
উত্তৰাখণ্ডত বিজেপিৰ হৈ নিৰ্বাচনী প্ৰচাৰ চলাবলৈ গৈ এই মন্তব্য কৰাৰ পিছতে অসম প্ৰদেশ কংগ্ৰেছ কমিটিয়ে মুখ্যমন্ত্ৰী ডঃ শৰ্মাৰ এই মন্তব্যৰ তীব্ৰ গৰিহণা দি পুত্তলিকা দাহ কৰিছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
