অবিশ্বাস্য হ’লেও সত্য৷ এসময়ৰ পৃথিৱীৰ সৰ্ববৃহৎ প্ৰাণী ডাইনোচৰক ভক্ষণ কৰা এটা ঘঁৰিয়াল উদ্ধাৰ কৰা হৈছে৷
প্ৰায় ৯৫ বছৰৰ পূৰ্বে ডাইনোচৰক ভক্ষণ কৰা এই ঘঁৰিয়ালটোৰ জঁকাটো উদ্ধাৰ কৰা হৈছে অষ্ট্ৰেলিয়াত৷
জাৰ্ণাল অৱ দ্য ইণ্টাৰনেশ্যনেল এচ’ছিয়েন ফৰ গুণ্ডাৱানা ৰিচাৰ্ছ নামৰ বিজ্ঞান পত্ৰিকাত প্ৰকাশ পোৱা অনুসৰি এটা ডাইনোচৰৰ ভক্ষণ কৰাৰ পিছতে ঘঁৰিয়ালটো মৃত্যু মুখত পৰা বুলি ধাৰণা কৰা হৈছে৷
গৱেষকসকলে বৰ্তমান লুপ্তপ্ৰায় এই ঘঁৰিলালটোক কনফ্ৰেক্ট’চুকুছ চাউৰ’ক্ট’ন’ছ বুলি অভিহিত কৰিছে৷
প্ৰত্ৰিকাখনত প্ৰকাশ কৰা অনুসৰি অষ্ট্ৰেলিয়াৰ উত্তৰ পশ্চিমাঞ্চলৰ এটা অতি দুৰ্গম অঞ্চলৰ কোমল শিলৰ গাঁঠনিৰ মাজত ঘঁৰিয়ালটোক ফচিল অৱস্থাত পোৱা গৈছে৷
২০১০ চনতে খনন কাৰ্য আৰম্ভ কৰি আৱিষ্কাৰ কৰা ঘঁৰিয়ালটোৰ জঁকাটো বিভিন্ন পৰীক্ষা নিৰীক্ষা কৰা হৈছে৷ অত্যাধুনিক যন্ত্ৰপাতিৰে জঁকাটো স্কেণি কৰাৰ পিছত ঘঁৰিয়ালটোৱে এটা ডাইোনচৰ ভক্ষণ কৰা ধৰা পৰিছে বুলি দাবী কৰা হৈছে৷
আনহাতে, সম্প্ৰতি ঘঁৰিয়ালটোৰ জঁকাটোৰ ৩৫ শতাংশহে উদ্ধাৰ হৈছে আৰু জঁকাটোৰ ভিতৰত ডাইনোচৰটোৰ ভগ্ন হাঁড় পোৱা গৈছে৷
গৱেষকসকলৰ মতে ঘঁৰিয়ালটোৰ দৈৰ্ঘ্য আছিল ২ মিটাৰ ৫ ফুট আৰু ভক্ষণ কৰা ডাইনোচৰটোৰ ওজন আছিল ১.৭ কিলোগ্ৰাম৷
তেওঁলোকৰ মতে ঘঁৰিয়ালটোৱে ডাইনোচৰটো ভক্ষণৰ কৌশল নজনাৰ বাবেই ভক্ষণ কৰাৰ পিছতে মৃত্যুৰ মুখত পৰিছিল৷
গৱেষকসকলৰ এই দাবীৰ পিছতে ডাৰউইনৰ বিবৰ্তনবাদৰ এটা উল্লেখযোগ্য অৱিষ্কাৰ বুলি চৰ্চা লাভ কৰিছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
