আইটেম গাৰ্ল ৰাখী সাৱন্ত৷ বলিউদৰ এগৰাকী বিতৰ্কৰ কুইন৷ পেচাগত কাৰণতকৈ বিতৰ্কৰ বাবেই সৰ্বাধিক চৰ্চা থাকে এই ৰাখী সাৱন্তে৷
জিমলৈ ছুটি কাপোৰা পিন্ধি গৈ সততে বিতৰ্কৰ সৃষ্টি কৰি অহা ৰাখী সাৱন্তে বিতৰ্কিত মন্তব্য কৰি নিজকে লাইমলাইটত ৰাখিবলৈ যৎপৰোনাস্তি চেষ্টা কৰি আহিছে৷
এইবাৰ ৰাছিয়াৰ ইউক্ৰেইন আক্ৰমণৰ সময়তো এইগৰাকী ৰাখী সাৱন্তে পুনৰ চৰ্চাত আহিবলৈ কৰিছে অতি তৰল মন্তব্য৷
লগতে পঢ়ক ৰাছিয়া-ইউক্ৰেইন যুদ্ধ : দুয়োকুল ৰক্ষা কৰিবলৈ গৈ সংকটত ভাৰত!
ৰাছিয়াৰ ইউক্ৰেইন আক্ৰমণ কৰাৰ সন্দৰ্ভত মন্তব্য কৰি ৰাখী সাৱন্তে কয়, ‘ৰাছিয়াই যুদ্ধ বন্ধ কৰক৷’ ইয়াৰলৈকে সকলো ঠিকেই আছিল৷ কিন্তু ইয়াৰ পিছতে নিজৰ পুৰণি বেমাৰটো উক দিলে ৰাখী সাৱন্তৰ৷ ইয়াৰ পিছত ক’লে ৰাছিয়াই যুদ্ধ বন্ধ নকৰিলে তেওঁ হেলিকপ্টাৰেৰে গৈ ৰাছিয়াৰ ওপৰ গেছ চিলিণ্ডাৰ নিক্ষেপ কৰিব৷
‘‘ৰাছিয়াই যুদ্ধ বন্ধ নকৰিলে মই গৈ ৰাছিয়াৰ ওপৰত এলপিজি চিলিণ্ডিৰা পেলাই দিম৷’’ ৰাখী সাৱন্তই কয়৷
ইফালে কিছুদিনৰ পূৰ্বে প্ৰাক্তন স্বামী ৰীটেশ সিঙে ৰাছিয়া-ইউক্ৰেইন যুদ্ধৰ সম্বন্ধীয়া ৰাখীৰ এটা পোষ্ট সামাজিক মাধ্যমত শ্বেয়াৰ কৰিছে৷ যিটোত ৰাখীয়ে ইউক্ৰেইনৰ সেনাক সতৰ্ক কৰি দিছিল৷
লগতে পঢ়ক ‘ইউক্ৰেইনৰ প্ৰতিখন চহৰৰ ধ্বংস কৰাৰ মূল্য পৰিশোধ কৰিব লাগিব ৰাছিয়াই’
‘‘মৰমৰ ইউক্ৰেইনৰ সেনা, যদি তোমালোকে ভাৰতীয় শিক্ষাৰ্থী আৰু ভাৰতীয়সকলৰ ক্ষতি কৰা তোমালোকৰ পৰিমাণ ভয়াৱহ হ’ব৷ এয়া কেৱল সকীয়নিয়ে নহয়৷ আৰু মই ইউক্ৰেইনৰ সকলো কৰ্মচাৰীকে বেলজিয়ামলৈ স্থানান্তৰ কৰিবলৈও নিৰ্দেশ দিছিলো৷ এতিয়া মই এই নিৰ্দেশ বাতিল কৰিছো৷ কাৰণ তোমালোকে মোৰ মানুহক হাৰাশাস্তি কৰিছা, মই তোমালোকক সমৰ্থন কৰিব নোৱাৰো৷ ধন্যবাদ, জয় হিন্দ৷’’
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
