সমগ্ৰ দেশৰ শিক্ষা ব্যৱস্থা আমূল পৰিৱৰ্তনৰ দিশে। একবিংশ শতিকাত খাপ খোৱাকৈ নতুন ৰাষ্ট্ৰীয় শিক্ষা নীতিত কেন্দ্ৰৰ অনুমোদন। প্ৰধানমন্ত্ৰী নৰেন্দ্ৰ মোদীৰ সভাপতিত্বত অনুষ্ঠিত কেন্দ্ৰীয় কেবিনেটৰ এখন বৈঠকত নতুন ৰাষ্ট্ৰীয় শিক্ষা নীতিত অনুমোদন জনায়। বৈঠকৰ পাছতে মানৱ সম্পদ উন্নয়ন মন্ত্ৰী ৰমেশ নিশাংক পোখৰিয়াল আৰু তথ্য আৰু সম্প্ৰচাৰ মন্ত্ৰী প্ৰকাশ জাৱড়েকাৰে এই বিষয়ত ঘোষণা আগবঢ়ায়।
- ৩৪ বছৰৰ পাছত দেশত নতুন শিক্ষা নীতি।
- মানৱ সম্পদ উন্নয়ন মন্ত্ৰ্যালয়ৰ নাম সলনি হৈ হ’ব শিক্ষা মন্ত্ৰ্যালয়।
- ২০২১ৰ পৰা নতুন মূল্যায়ন ব্যৱস্থা।
- ২০৩০ৰ ভিতৰত সম্পূৰ্ণ কাৰ্যকৰী হ’ব নতুন শিক্ষা নীতি।
- 10+2 বাতিল কৰি প্ৰৱৰ্তন হ’ব 5+3+3+4 পদ্ধতি।
- নাথাকিব মেট্ৰিক পৰীক্ষা।
- নৱমৰ পৰা দ্বাদশ শ্ৰেণীলৈ ৮টা ছেমিষ্টাৰ।
- পঞ্চম আৰু অষ্টম শ্ৰেণীত হ’ব ব’ৰ্ডৰ পৰীক্ষা।
- পঞ্চম শ্ৰেণীপৰ্যন্ত মাতৃভাষা অথবা আঞ্চলিক ভাষাত শিক্ষা বাধ্যতামূলক।
- অষ্টম শ্ৰেণীপৰ্যন্ত ঐচ্ছিক বিষয় হ’ব মাতৃভাষা অথবা আঞ্চলিক ভাষা।
- দশম শ্ৰেণীৰ পাছত কলা, বিজ্ঞান, বাণিজ্য বিভাগৰ পাৰ্থক্য নাথাকিব।
- পদাৰ্থ বিদ্যাৰ শিক্ষাৰ্থীয়ে পঢ়িব পাৰিব সংগীত, ফেশ্বন ডিজাইনিং ইত্যাদি।
- ষষ্ঠ শ্ৰেণীৰ পৰাই কাৰিকৰী শিক্ষাৰ পাঠ্যক্ৰম অন্তৰ্ভুক্ত হ’ব।
- স্নাতক পাঠ্যক্ৰম ৩ৰ পৰা ৪ বছৰীয়া হ’ব।
- বিদেশী শিক্ষানুষ্ঠানৰ বাবে মুকলি হ’ল দুৱাৰ।
- ১০০ খন বিদেশী বিশ্ববিদ্যালয়ক ভাৰতত চৌহদ স্থাপনৰ অনুমতি।
- মুঠ ঘৰুৱা উৎপাদনৰ ৫ শতাংশ ব্যয় হ’ব শিক্ষাত।
- ২০৩০ চনৰ ভিতৰত প্ৰতিখন জিলাত হ’ব এখন বৃহৎ প্ৰতিষ্ঠান।
- ২০৪০ চনৰ ভিতৰত সকলো উচ্চ শিক্ষানুষ্ঠান হ’ব বহুস্তৰীয়া।
- নতুন শিক্ষাবৰ্ষ ছেপ্টেম্বৰ-অক্টোবৰৰ পৰা আৰম্ভ হ’ব।
- প্ৰধানতঃ ক’ৰোনা সংক্ৰমণৰ বাবেই এই সিদ্ধান্ত।
- স্নাতকোত্তৰ শিক্ষা ব্যৱস্থাতো ব্যাপক পৰিৱৰ্তন।
- এবছৰীয়া স্নাতকোত্তৰ পৰীক্ষাৰ পাছতো কৰিব পাৰিব PhD
- বিলুপ্ত হ’ব MPhil
- আমেৰিকাৰ ‘নেচনেল ছায়েন্স ফাউণ্ডেচন’ৰ আধাৰত হ’ব ‘নেচনেল ৰিচাৰ্ছ ফাউণ্ডেচন’।
- উচ্চ শিক্ষাৰ নিয়ন্ত্ৰক হিচাপে থকা UGC, AICTE, NATIONAL CONCERN FOR TEACHER EDUCATIONৰ সলনি হ’ব এক নিয়ন্ত্ৰক সংস্থা।
- পাৰদৰ্শিতাৰ ভিত্তিত ৪৫ হাজাৰ মহাবিদ্যালয়ক দিয়া হ’ব অধিক স্বায়ত্ত শাসন।
- Ed পাঠ্যক্ৰম হ’ব ৪ বছৰীয়া।
- নতুন শিক্ষা ব্যৱস্থাত থাকিব ২২টা ভাষা, অডিঅ’ পাঠ্যক্ৰম।
- শিক্ষানুষ্ঠানসমূহে আদায় কৰিব নোৱাৰিব অতিৰিক্ত মাচুল।
- কেন্দ্ৰীয় চৰকাৰৰ নিয়ন অনুসৰি প্ৰস্তুত হ’ব দৰমহাৰ গাঁথনি।
- আঞ্চলিক ভাষাতো থাকিব ই-পাঠ্যক্ৰমৰ ব্যৱস্থা।
- CBSEৰ সমগ্ৰ পাঠ্যক্ৰম থাকিব দুটা ভাষাত।
- প্ৰতিটো বিষয়ৰ পৰীক্ষা হ’ব সংক্ষিপ্ত, বৰ্ণনামূলক প্ৰশ্নৰ ওপৰত।
- নিজ পচন্দ অনুসৰি শিক্ষাৰ্থীয়ে ল’ব পাৰিব মেজৰ, সাধাৰণ বিষয়।
- ভাৰতীয় মহাকাশ গৱেষণা সংস্থা ইছৰ’ৰ প্ৰাক্তন মুৰব্বী কস্তুৰীৰংগনৰ নেতৃত্বত গঠিত সমিতিৰ প্ৰতিবেদনৰ ভিত্তিতেই গ্ৰহণ কৰা হৈছে এইসমূহ ব্যৱস্থা। এই ব্যৱস্থাৰ অধীনত
- বিদেশী বিশ্ববিদ্যালয়ৰ বাবেও ভাৰতত দুৱাৰ মুকলি।
- বিশ্বৰ শীৰ্ষ ১০০ বিশ্ববিদ্যালয়ক ভাৰতত চৌহদ স্থাপনৰ অনুমতি দিয়া হ’ব।
- ভাৰতীয় বিশ্ববিদ্যালয়েও বিদেশত স্থাপন কৰিব পাৰিব চৌহদ।
- আই আই টিৰ দৰে অভিযান্ত্ৰিক প্ৰতিষ্ঠানসমূহে কলা বিষয়ৰ অধিক পাঠ্যক্ৰম অন্তৰ্ভুক্ত কৰিব লাগিব, কলা বিষয়ৰ ছাত্ৰ-ছাত্ৰীয়েও অধিক বিজ্ঞান শিক্ষাৰ অৱকাশ পাব।
- সকলো উচ্চ শিক্ষা প্ৰতিষ্ঠানত ভাষা, সাহিত্য, সংগীত, দৰ্শন, ভাষাতত্ত্ব, কলা, নৃত্য, থিয়েটাৰ, শিক্ষা, গণিত, পৰিসংখ্যা, বিশুদ্ধ আৰু প্ৰায়োগিক বিজ্ঞান, সমাজতত্ত্ব, অৰ্থনীতি, ক্ৰীড়া, অনুবাদ আদি বিভাগ স্থাপন কৰিব লাগিব বা ইতিমধ্যে থকাসমূহত শক্তিশালী কৰিব লাগিব।
- একাডেমিক বেংক অব্ ক্ৰেডিট (এ বি চি) স্থাপন কৰা হ’ব, য’ত সংৰক্ষিত থাকিব শিক্ষাৰ্থীয়ে লাভ কৰা নম্বৰৰ সবিশেষ।
- বৰ্তমানৰ ডিম্ড টু-বি-ইউনিভাৰ্ছিটী, এফিলিয়েটিং ইউনিভাৰ্ছিটী, এফিলিয়েটিং টেকনিকেল ইউনিভাৰ্ছিটী, ইউনিটাৰী ইউনিভাৰ্ছিটী আদি অভিধা প্ৰত্যাহাৰ কৰি অকল ইউনিভাৰ্ছিটী বা বিশ্ববিদ্যালয় কৰা হ’ব।
- ১৫ বছৰৰ ভিতৰত ‘এফিলিয়েটিং কলেজ’ ব্যৱস্থা পৰ্যাক্ৰমে বিলোপ হ’ব।
- এক শাখাৰ উচ্চ শিক্ষা প্ৰতিষ্ঠানসমূহ বহু শাখাৰ (stream) প্ৰতিষ্ঠানলৈ পৰিৱৰ্তন ঘটোৱা হ’ব। প্ৰতিখনতে ৩,০০০ বা অধিক শিক্ষাৰ্থীক শিক্ষা প্ৰদান কৰা হ’ব। ২০৩০ চনৰ ভিতৰত প্ৰতিখন জিলাতে এখনকৈ বহু শাখাযুক্ত কলেজ স্থাপন কৰা হ’ব।
- দেশৰ ৪৫ হাজাৰ কলেজে এক্ৰেডিয়েচনৰ ভিত্তিত অধিক শৈক্ষিক, প্ৰশাসনিক আৰু বিত্তীয় স্বতন্ত্ৰতা লাভ কৰিব।
- ত্ৰি-ভাষিক সূত্ৰত সংস্কৃতক গুৰুত্ব দিয়া হ’ব। সংস্কৃত বিশ্ববিদ্যালয়সমূহত অন্য বিষয় অন্তৰ্ভুক্ত কৰা হ’ব।
- বিদেশী ছাত্ৰ-ছাত্ৰীয়ে অধ্যয়ন কৰা প্ৰতিখন উচ্চ শিক্ষা প্ৰতিষ্ঠানত ইণ্টাৰনেচনেল ষ্টুডেণ্ট অফিচ খোলা হ’ব।
- দেশত এক ৰাষ্ট্ৰীয় গৱেষণা প্ৰতিষ্ঠান (এন আৰ এফ) স্থাপন কৰা হ’ব।
- দেশত গঠন কৰা হ’ব এক ‘হায়াৰ এডুকেচন কমিছন অব্ ইণ্ডিয়া’ (এইচ ই চি আই)।
- সকলো কলেজত নামভৰ্তিৰ একক প্ৰৱেশ পৰীক্ষা অনুষ্ঠিত হ’ব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
