কাইলৈৰ পৰা ঘৰে ঘৰে যাব গণনাকাৰী বিষয়া। কোনো এটা ভুল হ’লেই দ্বিতীয়বাৰ বাবে কৰিব নোৱাৰিব শুদ্ধ। ১৬ আগষ্টলৈ মুকলি থাকিব এই স্ব-পঞ্জীয়নৰ ব্যৱস্থা। প্ৰথমবাৰৰ বাবে কোনো কাগজ-কলমেৰে নহয় লোকপিয়ল, এয়া সম্পূৰ্ণ ডিজিটেল হ’ব। নিজ নিজ পৰিয়ালৰ বাবে তথ্য পঞ্জীয়ন কৰিবলৈ আহ্বান জনাইছে জিলা প্ৰশাসনে। নাগৰিকসকলৰ বাবে কৰা হৈছে স্ব পঞ্জীয়নৰ ব্যৱস্থা।
কেনেকৈ কৰিব অনলাইনৰ জৰিয়তে স্ব-গণনা?
অফিচিয়েল প’ৰ্টেল se.census.gov.inৰ জৰিয়তে তথ্য দাখিল কৰিব পাৰিব । গৃহ তালিকাভুক্তি আৰু গৃহ গণনাৰ বাবে অনলাইনযোগে ‘স্ব-গণনা’ হ’ব। প্ৰথম পৰ্যায়ত ঘৰৰ তালিকাভুক্ত আৰু গৃহ গণনাৰ কাম কৰা হ’ব। ১৭ আগষ্টৰ পৰা ৰাজ্যৰ ঘৰে ঘৰে যাব গণনাকাৰী বিষয়াসকলে। লোকপিয়লৰ বাবে ৰাজ্যত নিয়োগ ৮৫ হাজাৰ গণনাকাৰী বিষয়া নিয়োগ কৰা হৈছে। সমগ্ৰ দেশতে ২ আগষ্টৰ পৰা আৰম্ভ হ’ব লোকপিয়ল। ২ আগষ্টৰ পৰা ১৬ আগষ্টলৈ মুকলি থাকিব ‘স্ব-গণনা’ পৰ্টেল।
কেনেকৈ কাম কৰিব?
নাগৰিকসকলে se.census.gov.in পৰ্টেলত LOG IN কৰিব লাগিব। ইয়াৰ পিছত ৰাজ্য আৰু কেপ্টচা অন্তৰ্ভূক্ত কৰিব লাগিব। পৰিয়ালৰ মুৰব্বীৰ নাম, ১০ টা সংখ্যাৰ ম’বাইল নম্বৰ অন্তৰ্ভূক্ত কৰিব। এটা ম’বাইল নম্বৰ কেৱল এটা পৰিয়ালৰ বাবেহে ব্যৱহাৰ কৰিব পৰা যাব। মনত ৰাখিব পঞ্জীয়নৰ পিছত মুৰব্বীৰ নাম সলনি কৰিব নোৱাৰিব। ইয়াৰ পিছত আপোনাৰ পছন্দৰ ভাষা বাছনি কৰি পঞ্জীয়নভুক্ত ম’বাইল নম্বৰত OTP অন্তৰ্ভূক্ত কৰিব লাগিব। বাসগৃহৰ অৱস্থান আৰু মেপিং, জিলা, পিন কোড, গাঁও-চহৰ বাছনি কৰি গৃহ তালিকাভুক্তি আৰু গৃহ গণনাৰ সকলো প্ৰশ্ন পৰ্যায়ক্ৰমে পূৰণ কৰিব লাগিব। সকলো তথ্য পৰীক্ষা (Preview) কৰাৰ পিছত ‘চূড়ান্ত দাখিল’ কৰিব লাগিব আৰু তাৰ পিছত Final Submission কৰিলে ১১-সংখ্যাৰ একক স্ব-গণনা আইডি’ পাব। মনত ৰাখিব ইয়াৰ এটা প্ৰিণ্ট বা ৰিচিভ কপি সংৰক্ষণ কৰি ৰাখিব লাগিব, যেতিয়া লোকপিয়লৰ প্ৰগণক ঘৰলৈ আহিব তেতিয়া এই SE ID দেখুৱাব লাগিব।
(এই প্ৰতিবেদন যুগুতাইছে বৰষা মিশ্ৰই)
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
