নিশা শান্তিৰে শুই থকাৰ পিছতো বহুলোকৰ বাৰে বাৰে প্ৰস্ৰাৱৰ অনুভৱ হয়। এবাৰ বা দুবাৰ হ’লে স্বাভাৱিক, কিন্তু প্ৰতি নিশা দুবাৰ বা তিনিবাৰ বা তাতকৈ অধিক বাথৰুমলৈ যাবলগীয়া হ’লে সাৱধান হওক! চিকিৎসা বিজ্ঞানৰ ভাষাত ইয়াক ‘নক্টুৰিয়া’ বুলি কোৱা হয়।
বিশ্ববিখ্যাত চিকিৎসা গৱেষণা সংস্থা নেচনেল ইনষ্টিটিউট অৱ হেল্থ (NIH)ৰ বিভিন্ন প্ৰতিবেদনত দেখা গৈছে যে আমাৰ শৰীৰত থকা ‘এন্টিডাইউৰেটিক হৰম’নে ৰাতি প্ৰস্ৰাৱৰ পৰিমাণ হ্ৰাস কৰে। কিন্তু বয়সৰ লগে লগে বা বিভিন্ন শাৰীৰিক কাৰণত যেতিয়া এই হৰম’ন কমি যায়, তেতিয়া ৰাতি প্ৰস্ৰাৱৰ পৰিমাণ বাঢ়ি যায়।
আমেৰিকান ইউৰ’লজিকেল এছ’চিয়েশ্যনৰ (AUA) গৱেষণাৰ মতে, নিশাৰ দুটা প্ৰধান কাৰণ হ’ল-
ডায়েবেটিছ: যেতিয়া তেজত চেনিৰ মাত্ৰা বৃদ্ধি পায় তেতিয়া বৃক্কই অধিক পানী ব্যৱহাৰ কৰি অতিৰিক্ত চেনি বাহিৰ কৰি দিয়ে, যাৰ ফলত ৰাতি সঘনাই প্ৰস্ৰাব অনুভৱ হ’ব পাৰে।
প্ৰষ্টেট বৃদ্ধিঃ বয়সস্থ পুৰুষৰ ক্ষেত্ৰত প্ৰষ্টেট গ্ৰন্থি বৃদ্ধি হ’লে মূত্ৰনলীত চাপ পৰে, যাৰ ফলত মূত্ৰাশয় সম্পূৰ্ণৰূপে খালী হোৱাত বাধা দিয়ে।
আনহাতে, ‘স্লিপ ফাউণ্ডেশ্যন’ৰ তথ্যত কোৱা হৈছে যে যিসকলৰ নাক কঙাৰ সমস্যা বা ৰাতি টোপনিৰ বিসংগতি থাকে তেওঁলোকৰ শৰীৰত বিশেষ ৰাসায়নিক পদাৰ্থ উৎপন্ন হয়, যাৰ ফলত বৃক্কলৈ ৰাতি অধিক পানী নিৰ্গত কৰাৰ বাৰ্তা প্ৰেৰণ কৰে।
কেনেকৈ মুক্তি পাব?
সন্ধিয়াৰ পিছত চাহ-কফি খোৱাৰ অভ্যাস কমাব আৰু নিশা শোৱাৰ আগতে বেছি পানী খাব নালাগে। কিন্তু যদি সমস্যাটো দৈনিক ঘটি আছে তেন্তে আওকাণ নকৰিব। সাধাৰণ তেজৰ চেনিৰ পৰীক্ষা বা প্ৰস্ৰাৱ পৰীক্ষাৰ দ্বাৰা প্ৰমাণ আৰু কাৰণ ধৰা পেলাব পাৰি। সঠিক সময়ত চিকিৎসকৰ পৰামৰ্শ ল’লে এই সমস্যাৰ পৰা অতি সহজে পৰিত্ৰাণ পোৱা সম্ভৱ।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
