লখিমপুৰৰ যুৱনগৰ হাইস্কুলৰ সহ: শিক্ষক তথা লালুক কৰ্মচাৰী পৰিষদৰ সম্পাদক ইয়াছিন আলী ভূঞাৰ বিৰুদ্ধে ৰচনা কৰা হৈছে গভীৰ ষড়যন্ত্ৰ। নষ্ট চৰিত্ৰৰ এগৰাকী মহিলা আৰু অৰ্থলোভী স্বামীয়ে ব্লেকমেইলিঙৰ জাল পেলাই দাবী কৰা ধন নাপায় অৱশেষত শিক্ষক ইয়াছিন আলি ভূঞাৰ বিৰুদ্ধে আৰম্ভ কৰে নিকৃষ্ট ষড়যন্ত্ৰ।
হানিট্ৰেপিঙৰ উদ্দেশ্যৰে শিক্ষক ভূঞাৰ সৈতে এগৰাকী মহিলা আৰু স্বামীয়ে মোবাইল আৰু হোৱাটচ এপ বাৰ্তালাপ পূৰ্ব পৰিকল্পিত অনুসৰি ৰেকৰ্ডিং কৰি তাৰে কিয়দংশৰে শিক্ষকজনক প্ৰথমে ব্লেকমেইলিঙৰ চেষ্টা চলায়। দাবী কৰে মোটা অংকৰ ধন।
সমগ্ৰ লালুক আৰু ইছলামপুৰ ব্লকত বিশেষ সুনাম থকা, বিভিন্ন সামাজিক কাম-কাজত জড়িত, সুদক্ষ ৰেফাৰী ইয়াছিন আলি ভূঞাই সেই ধন আদায় দিবলৈ অপাৰগ হোৱাত মহিলা গৰাকীৰ স্বামীয়ে বিভিন্ন লোকক হতুৱাই অডিঅ’ আৰু মেছেছসমূহ ভাইৰেল কৰাৰ ভাবুকি দিয়ে।
অভিযোগ অনুয়ায়ী, কেৱল ইয়াছিন আলী ভূঞাই নহয় আন বহু যুৱকৰ সৈতে বহু অশ্লীল কথা-বতৰা পাতে এটি সন্তানৰ মাতৃগৰাকীয়ে। স্বামী-স্ত্ৰীৰ মনোবাঞ্চা পূৰ নোহোৱাত পৰৱৰ্তী সময়ত শিক্ষকজনৰ লগতে আন এজন যুৱকৰ বিৰুদ্ধে স্বামীয়ে লালুক থানাত এজাহাৰ দিয়ে।
লালুক আৰক্ষীয়ে গোচৰটো তদন্ত কৰিবলৈ গৈ কেইবাবাৰো মহিলাগৰাকীৰ সৈতে যোগাযোগ কৰে যদিও মহিলাগৰাকীয়ে আৰক্ষীৰ সৈতেও কোনো সহযোগ নকৰাৰো অভিযোগ পোৱা গৈছে।
ইফালে, মহিলাগৰাকীৰ বহু লোকৰ সৈতে অবৈধ সম্পৰ্ক আছে বুলি স্থানীয় লোকসকলে অভিযোগ কৰিছে। ইয়াৰ মাজতে শিক্ষক ইয়াছিন আলি ভূঞাৰ বিৰুদ্ধে কৰা ষড়যন্ত্ৰৰ বিৰুদ্ধে ওলাই আহিছে যুৱনগৰ হাইস্কুলৰ ছাত্ৰ-ছাত্ৰী।
শিক্ষক ভূঞাক সম্পূৰ্ণ নিৰ্দোষী আখ্যা দি এই সকল ছাত্ৰ-ছাত্ৰীয়ে প্ৰতিবাদ সাব্যস্ত কৰিছে। প্ৰশ্ন হয়, কাৰ প্ৰৰোচনাত পৰি এইদৰে ব্লেকমেইলিঙৰ জাল পেলাইছে দুষ্টচক্ৰই? শিক্ষক ভূঞাৰ বিৰুদ্ধে ৰচনা কৰা গভীৰ ষড়যন্ত্ৰৰ আঁৰত আছে কোন লোক? স্থানীয় লোকসকলে আৰক্ষীৰ নিৰপেক্ষ তদন্ত বিচাৰিছে।
নাওবৈছাৰ পৰা
মাজহাৰুল খানৰ প্ৰতিবেদন
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
