অৱশেষত প্ৰধানমন্ত্ৰীৰ গাদী ত্যাগ কৰিবলৈ বাধ্য হ’ল শ্ৰীলংকাৰ প্ৰধানমন্ত্ৰী মহিন্দা ৰাজাপক্ষে৷ সোমবাৰে প্ৰধানমন্ত্ৰী মহিন্দা ৰাজাপক্ষে প্ৰধানমন্ত্ৰীৰ গাদী ত্যাগ কৰা বুলি দেশখনৰ সংবাদ মাধ্যমে দাবী কৰিছে৷
শ্ৰীলংকা সংবাদ মাধ্যমৰ উদ্ধৃতিৰে এএনাই-এ প্ৰকাশ কৰিছে যে সোমবাৰে দুপৰীয়া মহিন্দা ৰাজাপক্ষে প্ৰধানমন্ত্ৰীত্ব ত্যাগ কৰিছে৷
উল্লেখ্য যে যোৱা এপ্ৰিলৰ পৰাই শ্ৰীলংকাত অৰ্থনৈকিক দুৰ্ভিক্ষৰ আৰম্ভ হৈছিল৷ বিভিন্ন দেশৰ পৰা ঋণ গ্ৰহণ কৰা শ্ৰীলংকা চৰকাৰে নিজকে ‘অৰ্থনৈতিকভাৱে দেউলীয়া বুলি’ ঘোষণা কৰিছিল৷
লগতে পঢ়ক সোণাক্ষী সিহনাৰ অনামিকা আঙুলিত কোনে পিন্ধালে হীৰাৰ আঙুঠি?
ইয়াৰ পিছতে দেশখনত প্ৰধানমন্ত্ৰী মহিন্দা ৰাজাপক্ষেৰ বিৰুদ্ধে তীব্ৰ গণবিক্ষোভ আৰম্ভ হয়৷ শ্ৰীলংকান জনতাই প্ৰধানমন্ত্ৰী মহিন্দা ৰাজাপক্ষৰ পদত্যাগৰ দাবীৰে দেশখনৰ ৰাজপথ উত্তাল কৰি তোলে৷
কিন্তু মহিন্দা ৰাজাপক্ষৰ চৰকাৰে প্ৰতিবাদী জনতাৰ ওপৰত নিষ্ঠুৰভাৱে জঁপিয়াই পৰে৷
ইফালে দেশখনৰ অৰ্থনৈতিক বিষেষজ্ঞসকলে প্ৰকাশ কৰিছে যে ১৯৪৮ চনত স্বাধীনতা লাভ কৰাৰ পিছত শ্ৰীলংকাত ইয়াৰ পূৰ্বে কেতিয়াও এনে অৰ্থনৈতিক সংকটে দেখা দিয়া নাছিল৷
লগতে পঢ়ক হাফ খাইয়ো নালাগিল নিচা, ৱাইনশ্বপ বিৰুদ্ধে গোচৰ এজন লোকৰ
উল্লেখ্য যে শ্ৰীলংকাই আন্তৰ্জাতিক ঋণ আৰু সূত মাৰিবলৈ বাবে চলিত বৰ্ষত কমেও ৬৯০ কোটি বিলিয়ন ডলাৰ (প্ৰায় ৫২,৪০০ কোটি টকা) ব্যয় কৰিব বুলি আশা কৰা হৈছিল।
কিন্তু দেশখনত অত্যাৱশ্যকীয় খাদ্য সামগ্ৰীৰ পৰা ইন্ধনলৈকে, কৃষি ক্ষেত্ৰৰ সাৰৰ পৰা নিত্য ব্যৱহাৰ্য সকলো সামগ্ৰীৰে মূল্যই আকাশলংঘী হৈছে।
কেইবা মাহ ধৰি শ্ৰীলংকাৰ জনসাধাৰণে এই পৰিস্থিতিৰ বিৰুদ্ধে সমগ্ৰ দেশতে চৰকাৰ বিৰোধী আন্দোলন আৰম্ভ কৰিছিল। ট্ৰেড ইউনিয়নৰ লগতে কাৰখানাসমূহৰ লাখ লাখ শ্ৰমিক, ৰাজহুৱা পৰিবহন ব্যৱস্থাৰ সৈতে জড়িত শ্ৰমিকসকলেও এই আন্দোলনত যোগদান কৰে। এই আন্দোলনৰ ফলতেই অৱশেষ প্ৰধানমন্ত্ৰী মহিন্দা ৰাজাপক্ষই গাদী ত্যাগ কৰা বুলি ধাৰণা কৰা হৈছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
