বলিউদত খোজ পেলোৱাৰে পৰাই সোণাক্ষী সিনহাৰ প্ৰেমক লৈ একাধিক গুঞ্জন উঠি আহিছে৷ আনকি বলিউদৰ মোষ্ট ৱান্টেড বেচেল’ৰ খ্যাত চলমান খানৰ সৈতেও একাধিক বাৰ সোণাক্ষীৰ নাম সাঙুৰ খাই আহিছে৷
কিছুদিনৰ পূৰ্বে চলমান খানৰ সৈতে সোণাক্ষীৰ বাগদান সম্পন্ন হৈ যোৱাই নহয় বিবাহো হৈ যোৱা বুলি দাবী কৰি এখন ফ’টো ভাইৰেল কৰা হৈছিল৷ কিন্তু উক্ত সেই খবৰ পিছত অসত্য বুলি প্ৰমাণিত হয়৷
সোণাক্ষীৰ প্ৰেমৰ সম্পৰ্কে বলিউদৰ লগতে দেশত যিমানেই ৰহস্যৰ সৃষ্টি হয় সিমানেই নিশ্চূপ হৈ আহিছে সোণাক্ষী সিনহা৷ সোণাক্ষীয়ে কেতিয়াও নিজৰ প্ৰেমৰ সম্পৰ্কে মুখ খোলা নাই, যাৰফলত এই ৰহস্য অধিক গাঢ় হৈ আহিছে৷
লগতে পঢ়ক ইনষ্টাগ্ৰামৰ ৰীল নিৰ্মাণ কৰিবলৈ গৈ উত্তৰ প্ৰদেশত গ্ৰেপ্তাৰ হ’ল চলমান খান!
কিন্তু এই ৰহস্যৰ মাজতে এইবাৰ অভিনেত্ৰী সোণাক্ষী সিনহা নিজেই এক বিশেষ ইংগিত প্ৰদান কৰিছে৷ সোণাক্ষীয়ে নিজৰ ইনষ্টাগ্ৰাম একাউন্টত এখন বিশেষ ফ’টো শ্বেয়াৰ কৰিছে৷ উক্ত ফ’টো দেখা গৈছে সোণাক্ষীৰ বাওঁহাতখন কোনোবাই এজনে সোঁহাতেৰে ধৰি আছে৷
সোণাক্ষীৰ বাওঁ হাতৰ অনামিকা আঙুলিত দেখা গৈছে এটা হীৰাৰ আঙুঠি৷ সেয়ালৈ বিশেষ ভাবিলগীয়া একো নাছিল৷
লগতে পঢ়ক শ্বেয়াৰ বজাৰত প্ৰ’ফিট বুক এপ্ৰিল মাহত খহনীয়া কিয়?
কিন্তু উক্ত ফ’টোখনত সংলগ্ন কেপচনটোৱে বিশেষভাৱে সকলোকে ভবাই তুলিছে৷ কেপচনটোত কোৱা হৈছে, ‘‘মোৰ বাবে অতি মহত্ত্বপূৰ্ণ দিন!!! মোৰ জীৰনৰ এটা ডাঙৰ সপোন পূৰ্ণ হোৱাৰ দিশে…. আৰু আপোনালোকৰ সৈতে ইয়াক মই শ্বেয়াৰ নকৰি নোৱাৰিলো৷’’
ইয়াৰপৰাই চৰ্চা চলিছে, আঙুঠিটো তেওঁৰ প্ৰেমিকে পিন্ধোৱা নাইতো!! সেইবাবেই ইয়াক সোণাক্ষীয়ে ডাঙৰ সপোন পূৰ্ণ হোৱাৰ পথত বুলি কোৱা নাইতো!!! জীৱনৰ অতি মহত্ত্বম দিন বুলি কৈ সোণাক্ষীয়ে কিহৰ ইংগিত দিলে!!!
ইয়াকে লৈ এতিয়া সমগ্ৰ দেশৰ লগতে বি টাউনতো চৰ্চা চলি আছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
