উত্তৰ প্ৰদেশৰ ৰাজপথৰ পৰা গ্ৰেপ্তাৰ কৰা চলমান খানক! ৰাজপথত অনুমতিবিহীনভাৱে শান্তি বিঘ্নিত কৰি মানুহৰ ভিৰ জমা কৰাৰ অভিযোগত গ্ৰেপ্তাৰ কৰা হৈছে চলমান খানক৷ ঠাকুৰ গঞ্জ আৰক্ষীয়ে শান্তি ৰক্ষাৰ স্বাৰ্থত গ্ৰেপ্তাৰ কৰিছে তেওঁক৷
পিছে প্ৰশ্ন হ’ব পাৰে শান্তি শৃংখলা বিঘ্নিত কৰাৰ অভিযোগত চলমান খানক উত্তৰ প্ৰদেশত কিয় গ্ৰেপ্তাৰ কৰা হ’ল?
আচলতে এয়া বলিউদৰ অভিনেতা তথা আচল চলমান খান নহয়৷ তেওঁ হৈছে ডপ্লিকেট চলমান খান৷ উত্তৰ প্ৰদেশৰ আজন আনচাৰি নামৰ যুৱকজনক দেখাত চলমন খানকৰ দৰেই৷
লগতে পঢ়ক অচিনাকি যুৱতী চোৰাংচোৱা লৈ প্ৰেমিকৰ বিৰুদ্ধে গুপ্তচৰগিৰি প্ৰেমিকাৰ
এই আজম আনচাৰিয়ে চলমান খানৰ ভাৱ-ভংগীক অনুসৰণ কৰি চহৰখনত ঘূৰি ফুৰে৷ কেতিয়াবা যদি ‘তেৰে নাম’ৰ চলমান খানৰ বেশভূষাৰে ৰাজপথলৈ ওলাই কেতিয়াবা আকৌ ‘মুঝে চাদি কৰোগি’ৰ চলমান খানৰ বেশভূষাৰে ৰাজপথত তহল দি ফুৰে৷
কেতিয়াবাবা আকৌ চলমান খানৰ দৰে চোলা পৰিধান নকৰাকৈ চিগাৰেটত সুখটান দি ৰাজপথ ঘূৰি ফুৰে৷ উত্তৰ প্ৰদেশৰ চলমান খান বুলি আখ্যা দি তেওঁক দেখাৰ লগে লগে চহৰৰ ৰাজপথত মানুহৰ ভিৰ লাগে আৰু চহৰত শান্তি-শৃংখলা বিঘ্নিত হয়৷
ইমানেই নহয়, উত্তৰ প্ৰদেশৰ এইগৰাকী চলমন খানৰ বহু অনুৰাগীও আছে৷ চলমন খানৰ দৰেই জীৱন ধাৰণ, চলন ফুৰণ কৰিবলৈ চেষ্টা কৰা এই আজম আনচাৰিৰ ইউটিউবত ১,৬৭,০০০ ৰো অধিক ফ’লোৱাৰ্ছ আছে৷ ইনষ্টাগ্ৰামতো আছে বহু অনুৰাগী৷
লগতে পঢ়ক সংকটত ইমৰাণ! আয় বহিৰ্ভূত সম্পত্তিৰ তদন্তৰ নিৰ্দেশ প্ৰধানমন্ত্ৰী শ্বৰীফৰ
এই ডপ্লিকেট চলমান খানে যোৱা দেওবাৰে ঠাকুৰগঞ্জ চহৰৰ ক্লক টাৱাৰত ইনষ্টাগ্ৰামৰ ৰীল নিৰ্মাণ কৰিছিল৷ তেওঁ ৰীল নিৰ্মাণ কৰি থকাতো চহৰখনত ভিৰৰ সৃষ্টি হৈ শান্তি-শৃংখলা বিঘ্নিত হোৱাৰ অভিযোগ উঠে৷
ইয়াৰ পিছতে ডপ্লিকেট চলমান খানক ভাৰতীয় দণ্ডবিধি আইনৰ ধাৰা ১৫১ অধীনত গোচৰ ৰুজু কৰি ঠাকুৰগঞ্জ আৰক্ষীয়ে গ্ৰেপ্তাৰ কৰে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
