পাঞ্জাৱী গায়ক প্ৰয়াত সিদ্ধু মুছেৱালাৰ মৃত্যুৱে চাৰিদিন অতিক্ৰম কৰিলে৷ কিন্তু গায়কজনৰ হত্যাকাণ্ডক লৈ এতিয়াও ক্ৰিয়া-প্ৰতিক্ৰিয়া অব্যাহত আছে।
শেহতীয়াকৈ প্ৰয়াত গায়কজনৰ হত্যাকাণ্ডক লৈ প্ৰতিক্ৰিয়া প্ৰকাশ কৰিছে দিল্লীৰ মুখ্যমন্ত্ৰী অৰবিন্দ কেজৰিৱালে৷ “পাঞ্জাৱী গায়ক সিদ্ধু মুছেৱালাৰ হত্যা দুৰ্ভাগ্যজনক, কিন্তু ইয়াক লৈ ৰাজনীতি কৰা উচিত নহয়৷” এইদৰে মন্তব্য দিল্লীৰ মুখ্যমন্ত্ৰী অৰবিন্দ কেজৰিৱালে।
উল্লেখ্য যে চৰকাৰে প্ৰয়াত গায়কজনৰ সুৰক্ষা বেষ্টনী আঁতৰোৱাৰ এদিন পাছতে যোৱা দেওবাৰে পঞ্জাৱৰ মানচা জিলাত অচিনাক্ত আক্ৰমণকাৰীয়ে গুলীয়াই হত্যা কৰে।
লগতে পঢ়ক এইবাৰ হিন্দু পণ্ডিত নহয়, জম্মু-কাশ্মীৰত প্ৰব্ৰজিত শ্ৰমিকক হত্যা
ইফালে দিল্লীৰ ৰোহিণী অঞ্চল ভ্ৰমণৰ সময়ত কেজৰিৱালে কয়, ‘‘পঞ্জাৱৰ মুখ্যমন্ত্ৰীয়ে ইতিমধ্যে মন্তব্য কৰিছে যে চৰকাৰে যৎপৰোনাস্তি চেষ্টা কৰিছে আৰু আশ্বাস দিছে যে অভিযুক্তক অতি শীঘ্ৰেই গ্ৰেপ্তাৰ কৰা হ’ব আৰু কঠোৰতম শাস্তি দিয়া হ’ব।’’
ইফালে আক্ৰমণকাৰীয়ে জৱাহৰ কে গাঁৱত ২৮ বছৰীয়া সিদ্ধু মুছেৱালাৰ ওপৰত তেওঁৰ বাহনখন ৰখাই গুলীচালনা কৰিছিল।
নিজৰ প্ৰাণ ৰক্ষাৰ বাবে মুছেৱালাৰ প্ৰত্যাক্ৰমণ কৰিছিল যদিও দুৰ্বৃত্তৰ ধাৰাষাৰ গুলীবৰ্ষণত প্ৰাণ হেৰুৱালে জনপ্ৰিয় গায়কজনে। সিদ্ধু মুছেৱালাৰ মৃত্যু পাঞ্জাৱৰ সংগীত জগতখনৰ কাৰণে বৃহৎ ক্ষতি বুলি বিবেচিত হৈছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
