হংকঙৰ আইকনিক জাম্বো ফ্লটিং ৰেষ্টুৰেণ্টখন চহৰৰ পৰা সাগৰলৈ নিয়াৰ এসপ্তাহ নৌহওঁতেই দক্ষিণ চীন সাগৰত উটি গৈছে৷ সোমবাৰে ৰেষ্টুৰেণ্টখনৰ মূল কোম্পানীটোৱে এই কথা প্ৰকাশ কৰিছে।
এবাৰডিন ৰেষ্টুৰেণ্ট এণ্টাৰপ্ৰাইজ লিমিটেডে জনোৱা মতে, দক্ষিণ চীন সাগৰৰ পেৰাচেল দ্বীপপুঞ্জ নামেৰে জনাজাত ছিছা দ্বীপপুঞ্জ পাৰ হৈ যোৱাৰ সময়ত শনিবাৰে ৰেষ্টুৰেণ্টখনে ‘প্ৰতিকূল পৰিস্থিতি’ৰ সন্মুখীন হয় আৰু জাহাজখনত পানী সোমাবলৈ ধৰে৷
কোম্পানীটোৱে জনোৱা মতে, কোনো লোক আহত হোৱা নাই যদিও ৰেষ্টুৰেণ্টখন থকা জাহাজখন ৰক্ষা কৰিবলৈ চেষ্টা কৰিছিল যদিও ব্যৰ্থ হয়৷
লগতে পঢ়ক প্ৰথমবাৰ মিছ ইউনিৰ্ভাছত ভূটান, প্ৰতিনিধিত্ব কৰিব লেছবিয়ান এগৰাকী বিউটি কুইনে!
উল্লেখ্যে যে প্ৰায় ৮০ মিটাৰ (২৬০ ফুট) দৈৰ্ঘ্যৰ জাম্বো ফ্লটিং ৰেষ্টুৰেণ্টখন চাৰি দশকৰো অধিক সময় ধৰি হংকঙৰ এক ল্যাণ্ডমাৰ্ক হৈ আছিল৷ এই ৰেষ্টুৰেণ্টখনত দ্বিতীয় ৰাণী এলিজাবেথ আৰু হলিউদৰ তাৰকা অভিনেতা টম ক্ৰুজকে ধৰি ৩০ লাখতকৈ অধিক অতিথিক কেণ্টনীজ খাদ্য পৰিবেশন কৰা হৈছিল।
অৱশ্যে ক’ৰোনা মহামাৰীৰ বাবে ২০২০ চনত বন্ধ হৈ পৰাত সকলো কৰ্মচাৰীক চাকৰিৰ পৰা বৰ্খাস্ত কৰা হৈছিল। এবাৰডিন ৰেষ্টুৰেণ্ট এণ্টাৰপ্ৰাইজে জনোৱা মতে লাখ লাখ ডলাৰ ব্যয় কৰিও ৰেষ্টুৰেণ্টখনৰ শ্বেয়াৰহোল্ডাৰসকলৰ বাবে আৰ্থিক বোজা নকমিল৷ যাৰ ফলত ২০২০ চনত ইয়াক বন্ধ কৰিবলৈ বাধ্য হৈ পৰিছিল৷
প্ৰতিষ্ঠানটোৱে জনোৱা অনুসৰি যোৱা মঙলবাৰে ৰেষ্টুৰেণ্টখন টানি লৈ যোৱা হৈছিল। কম খৰচী স্থানলৈ স্থানান্তৰ কৰাৰ পৰিকল্পনা কৰি ৰক্ষণাবেক্ষণ কৰিব পৰা যাব বুলি সাগৰলৈ লৈ যোৱা হৈছিল। আৰু ইয়াৰ পিছতে ৰেষ্টুৰেণ্টখনৰ জাহাজখন দক্ষিণ চীন সাগৰত উটি যায়৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
