পাকিস্তানত এগৰাকী ১৬ বছৰীয়া হিন্দু কিশোৰীক অপহৰণৰ পিছত মুছলমানলৈ ধৰ্মান্তৰিত কৰি এজন মুছলমান যুৱকে বলপূৰ্বক বিবাহ কৰোৱা গুৰুতৰ অভিযোগ উত্থাপন হৈছে৷
প্ৰকাশিত বাতৰি অনুসৰি পাকিস্তানৰ সিন্ধু প্ৰদেশত এই ঘটনাটো সংঘটিত হৈছে৷ পাক সংবাদ পত্ৰ ড’নৰ প্ৰতিবেদনৰ মতে কৰীণা নামৰ হিন্দু কিশোৰীগৰাকীক এসপ্তাহ পূৰ্বে পাকিস্তানৰ সিন্ধু প্ৰদেশৰ দাদু কাজী আহমেদ চহৰৰ উন্নাৰৰ পৰা অপহৰণ কৰা হৈছিল। তেতিয়াৰে পৰা পৰিয়ালে কিশোৰীগৰাকীৰ কোনো সন্ধান লাভ কৰা নাই৷
স্থানীয় হিন্দুলোকসকলে এই ঘটনাটোক কেৱল অপহৰণ কাণ্ড নহয়, অপহৰণৰ পিছতে কিশোৰীগৰাকীক মুছলমান ধৰ্মলৈ ধৰ্মান্তৰিত কৰি মুছলমান যুৱকে বলপূৰ্বকভাৱে বিবাহ কৰোৱাৰ গুৰুতৰ অভিযোগ উত্থাপন কৰিছে৷ উল্লেখ্য যে এনেধৰণৰ ঘটনা পাকিস্তানত তেনেই সুলভ৷
লগতে পঢ়ক হাই মানৱতা! ৭ মহীয়া শিশু কন্যাক ধৰ্ষণ, শিশুটিৰ অৱস্থা সংকটজনক
কিশোৰীগৰাকীৰ সন্ধান লাভ নকৰাৰ পিছতে স্থানীয় হিন্দু লোকসকল ক্ষোভত ফাটি পৰে আৰু অতি শীঘ্ৰেই হিন্দু কিশোৰীগৰাকীৰ সন্ধান উলিওৱাৰ দাবীৰে প্ৰাক্তন ৰাষ্ট্ৰপতি আছিফ আলী জৰ্দাৰীৰ ঘৰৰ সন্মুখত বিক্ষোভ প্ৰদৰ্শন কৰিছে৷
ইফালে পাকিস্তানত প্ৰায়ে ঘটনা সংঘটিত হৈ থাকিলেও আৰক্ষীয়ে বিশেষ পদক্ষেপ গ্ৰহণ নকৰাৰ অভিযোগ উত্থাপন হৈছে৷ পাক সংবাদ পত্ৰ ড’নৰ মতে পাকিস্তানত এনে বহু ঘটনা সংঘটিত হৈছে, য’ত হিন্দু ছোৱালীক বলপূৰ্বকভাৱে ধৰ্মান্তৰিত কৰি মুছলমান যুৱকে বিয়া কৰাইছে। ড’নৰ মতে, এনে গোচৰসমূহত পাকিস্তানৰ আৰক্ষীয়ে স্থানীয় মৌলবীৰ হেঁচাত কাম কৰাৰ বাবে ভুক্তভোগীসকলে ন্যায়ৰ পৰা বঞ্চিত হৈ আহিছে।
মৌলবীৰ হেঁচাত পাক আৰক্ষীয়ে এনেধৰণৰ ঘটনাক প্ৰেমৰ সৈতে সংযোগ কৰি অৱহেলা কৰি আহিছে৷ সংশ্লিষ্ট কিশোৰীগৰাকীৰ ক্ষেত্ৰতো আৰক্ষীয়ে তদ্ৰূপ ভূমিকাই গ্ৰহণ কৰাৰ অভিযোগ উঠিছে৷
16-year-old Hindu girl Kareena abducted, converted to Islam and married to the Muslim man. Hindu community stage protest in front of Zardari house in Nawabshah, seeking help of former president to recover the girl. #EndForcedConversions pic.twitter.com/Pu55Ejqa9V
— Naila Inayat (@nailainayat) July 13, 2022
লগতে পঢ়ক ৭০ বছৰত পিতৃ হ’ব ৰাষ্ট্ৰপতি পুটিন! প্ৰেমিকা আলিনা কাবায়েভাৰ গৰ্ভৱতী!
পাকিস্তানৰ সিন্ধু প্ৰদেশৰ আৰক্ষীয়ে এই ঘটনাক প্ৰেমৰ সম্পৰ্কৰ সৈতে সংযোগ কৰি কয় যে হিন্দু কিশোৰীগৰাকীৰ খালীল ৰহমান জোনো নামৰ এজন মুছলমান যুৱকৰ সৈতে প্ৰেমৰ সম্পৰ্ক আছিল আৰু যুৱকজনৰ সৈতে পলায়ন কৰিছিল।
ইফালে আৰক্ষীয়ে দুয়োৰে কৰাচী আদালতত বিবাহ সম্পন্ন হৈছে বুলি দাবী কৰিলেও কিশোৰীগৰাকী ক’ত আছে সেই সন্দৰ্ভত পৰিয়ালৰ লোকক সম্ভেদ দিয়াত ব্যৰ্থ হৈছে।
প্ৰকাশিত বাতৰিৰ মতে প্ৰতিবাদকাৰী ৰাইজক শান্ত কৰিবলৈ আৰক্ষীয়ে যুৱকজনৰ পিতৃক গ্ৰেপ্তাৰ কৰিছে। আনহাতে, স্থানীয় হিন্দু লোকে প্ৰাক্তন ৰাষ্ট্ৰপতি আছিফ আলী জাৰ্দাৰীয়ে এই বিষয়ত হস্তক্ষেপ কৰাতো বিচাৰিছে যাতে তেওঁলোকে কিশোৰীগৰাকীক উদ্ধাৰ কৰিব পাৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
