জাপানৰ এখন নাৰ্ছিংহোমৰ নতুন নিযুক্তিয়ে সংবাদ শিৰোণাম দখল কৰিছে৷ প্ৰকাশিত খবৰ মতে দক্ষিণ জাপানৰ কিটাকিউছু নামৰ নাৰ্ছিংহোমখনত শিশুক নিযুক্তি প্ৰদান কৰা হৈছে আৰু নিযুক্তি প্ৰাপ্ত শিশুক দৰমহা হিচাপে গাখীৰ ডায়েপাৰ প্ৰদান কৰা হৈছে৷
নাৰ্ছিংহোম কৰ্তৃপক্ষই প্ৰকাশ কৰা মতে চিকিৎসালয়খনত চিকিৎসাধীন বৃদ্ধ ৰোগীসকলক শিশুসকলে সংগ দিব লাগে৷ অৰ্থাৎ নাৰ্ছিংহোমখনত চিকিৎসাধীন বৃদ্ধসকলৰ দুখ বেদনা শিশুৰ কলকলনিৰে লাঘৱ কৰাৰ বাবেই এই উদ্যোগ লোৱা হৈছে৷ সেয়ে নাৰ্ছিংহোমখনে চাৰি বছৰৰ তলৰ শিশুকহে নিযুক্তি প্ৰদান কৰিছে৷
নাৰ্ছিংহোমখনে শিশুসকলৰ অভিভাৱকৰ সৈতে কৰা চুক্তিপত্ৰত কোৱা হৈছে নিযুক্তিপ্ৰাপ্ত শিশুসকলে যেতিয়াই মন যায় তেতিয়াই কামলৈ আহিব পাৰিব আৰু তেওঁলোকৰ যেতিয়াই ভোক লাগে তেতিয়াই খাব পাৰিব আৰু টোপনি আহিলে শুব পাৰিব৷ মুঠৰ শিশুসকলে নিজৰ মেজাজৰ মতেই চলিব তথা বিৰতি ল’ব পাৰিব৷
লগতে পঢ়ক অভিনেত্ৰী মহালক্ষ্মীৰ দ্বিতীয় বিবাহসম্পন্ন, বিয়াৰ ফ’টোৱে জয় কৰিছে অনুৰাগীৰ হৃদয়
এইক্ষেত্ৰত নাৰ্চিংহোমৰ মুৰব্বী কিমি গণ্ডোৱে কয় যে এতিয়ালৈকে ৩০ টাতকৈ অধিক কেঁচুৱাৰ অভিভাৱকে স্বাক্ষৰ কৰিছে আৰু তেওঁলোকে ১০০ জনতকৈ অধিক ৮০ বছৰীয়া বৃদ্ধৰ মনোবল বৃদ্ধি কৰাৰ কামত সহায় কৰিছে৷
তেওঁ লগতে কয় যে কেঁচুৱাক দেখিলেই আমাৰ বাসিন্দাসকলৰ মুখত হাঁহি বিৰিঙি উঠে৷ গণ্ডোৱে আৰু কয়, ‘‘কেঁচুৱাকেইটাৰ সৈতে সকলো সময়তে মাকৰ লগত থাকে। ঠিক যেন মাকৰ সৈতে পাৰ্কত ফুৰিবলৈহে লৈ গৈছে।’’
স্থানীয় এটা টিভি ষ্টেচনক এজন বাসিন্দাই এই সন্দৰ্ভত কয় যে ‘‘তেওঁলোক মৰমলগা। ই মোক যেতিয়া পেৰেন্টিং কৰি আছিলো সেই কথা মনত পেলাই দিয়ে।’’
আনহাতে, এতিয়ালৈকে এই আঁচনিখনে উৎকৃষ্ট ফল দিছে বুলি গণ্ডোৱে কয় ‘‘কিছুমান শিশুৱে আমাৰ বাসিন্দাসকলৰ লগত ইমান ভালদৰে মিলি যায় যে তেওঁলোক প্ৰকৃত ককা-আইতা আৰু নাতি-নাতিনীৰ দৰেই লাগে।’’
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
