অসম লাইভ ২৪ঃ ক্ৰিকেটৰ জগতত ভায়েকৰ যুটিয়ে বহুতৰে দৃষ্টি কাঢ়িছে। ভাৰতীয় ক্ৰিকেট দলতেই ভাতৃ যুটি আছে এনে নহয়। বিশ্বৰ ক্ৰিকেট জগততো আছে ভাতৃৰ যুটি।
ভাৰতীয় ক্ৰিকেট দলত থকা এটা যুটি হৈছে ক্ৰুণাল পাণ্ডিয়া আৰু হাৰ্ডিক পাণ্ডিয়াৰ যুটিটো। দুয়োজন খেলুৱৈয়ে মুম্বাই ইণ্ডিয়ানছ আৰু ভাৰতীয় ক্ৰিকেট দলত একেলগে খেলি আহিছে। হাৰ্দিকে ২০১৬ চনত আৰু ক্ৰুণালে ২০১৮ চনত আন্তঃৰাষ্ট্ৰীয় খেলত পদাৰ্পণ কৰিছিল। বৰ্তমানলৈ এই ভাতৃদ্বয়ৰ, হাৰ্ডিকে ২০১৯ চনত অনুষ্ঠিত আই পি এলত ৪০০ তকৈও অধিক ৰাণ সংগ্ৰহৰ বিপৰীতে ১০ত কৈও অধিক উইকেট লৈছিল। ক্ৰুনাল ৮৭ খন খেলত ১১৭০ ৰাণ সংগ্ৰহ কৰিবলৈ সক্ষম হৈছিল।
ভাৰতীয় ক্ৰিকেট দলত আন দুই ভাতৃ হৈছে, ইউছুফ পাঠান আৰু ইৰফান পাঠান। দুয়োজনে একেলগে ক্ৰিকেটৰ কেৰিয়াৰ আৰম্ভ কৰিছিল। ইউছুফে ২০০৭ চনত ভাৰতীয় দলত প্ৰৱেশ কৰাৰ বিপৰীতে ইৰফানে ২০০৩ চনত ভাৰতীয় ক্ৰিকেট দলত আত্মপ্ৰকাশ কৰিছিল। বৰ্তমান দুয়োজনে আন্তঃৰাষ্ট্ৰীয় ক্ৰিকেটৰ পৰা অৱসৰ লৈছে। ইউছুফ আৰু ইৰফানৰ ক্ৰিকেটৰ অভিলেখ যদি চাওঁ তেন্তে, ইউছুফে ১৫ টা বলত ৫০ ৰাণ কৰাৰ অভিলেখ গঢ়িছে। আনহাতে ইৰফানে ২০০৫ চনত ৱেষ্ট ইণ্ডিজৰ বিৰুদ্ধে হোৱা দুখন টেষ্ট মেছত ২১ টা উইকেট লোৱা তৃতীয় জন খেলুৱৈ।
অষ্ট্ৰেলিয়ান ক্ৰিকেট দলতো আছে ভাতৃৰ যুটি। অষ্ট্ৰেলিয়াৰ দলটোৰ প্ৰতিষ্ঠিত খেলুৱৈৰ তালিকাত আছে ষ্টিভ ৱা আৰু মাৰ্ক ৱাৰ নাম। ২০১৯ চনৰ বিশ্বকাপ ক্ৰিকেটত অষ্ট্ৰেলিয়াৰ দলটোক এই যমজ ভাতৃদ্বয়ে দিয়া অৱদানৰ কথা সকলোৱে জানে। ষ্টিভে অষ্ট্ৰেলিয়াৰ ক্ৰিকেট হল অফ ফেমত অন্তৰ্ভুক্ত হোৱা ৩০ সংখ্যক ক্ৰিকেটাৰ। মাৰ্ক আৰু ষ্টিভ বৰ্তমানলৈ অষ্ট্ৰেলিয়াত আটাইতকৈ বেছি বঁটাপ্ৰাপ্ত খেলুৱৈৰ তালিকাতো অন্তৰ্ভুক্ত।
একেদৰে পাকিস্তানৰ কামৰান আকমল আৰু উমৰ আকমলৰ যুটিটো। কামৰান ২০০২ চনত মালয়েছিয়াত অনুষ্ঠিত ১৯-ৰ অনুৰ্ধৰ বিশ্বকাপত জিম্বাৱেৰ বিৰুদ্ধে আৰু উমৰে ২০০৮ত অনুষ্ঠিত ১৯ৰ উৰ্ধৰ বিশ্বকাপত পাকিস্তানৰহৈ মালয়েছিয়াৰ বিৰুদ্ধে খেলি ক্ৰিকেটৰ পৃথিৱীত আত্মপ্ৰকাশ কৰে। T-20 মেছত ১৫০ ৰাণ সংগ্ৰহ কৰা কামৰাণেই পাকিস্তানৰ প্ৰথমগৰাকী খেলুৱৈ। ভাতৃ উমৰো ২০১৬-ৰ পিএছএল ছিজনত শীৰ্ষ স্কোৰাৰ আছিল।
ইংলেণ্ডৰ ভাতৃদ্বয় টম কৰণ আৰু চেম কৰণ। কৰণ ভাতৃদ্বয় ইংলেণ্ডৰ হৈ এদিনীয়া শৃংখলাত ভাৰতৰ বিৰুদ্ধে বহুকেইখন খেলতেই অংশগ্ৰহণ কৰিছে।
অষ্ট্ৰেলিয়াৰ দলৰ আৰু দুজন ভাতৃ হৈছে, মাইকেল হাচি আৰু ডেভিদ হাচি। দুয়ো ভাতৃয়ে অষ্ট্ৰেলিয়া ক্ৰিকেট দলক প্ৰতিনিধিত্ব কৰিছে। পিছলৈ দুয়ো অষ্ট্ৰেলিয়াৰ ক্ৰিকেট দলৰ প্ৰশিক্ষকো আছিল।
অষ্ট্ৰেলিয়াৰ ক্ৰিকেট দলত আন ভাতৃদ্বয় হৈছে শ্বন মাৰ্শ্ব আৰু মিচেল মাৰ্শ্ব। শ্বনে টেষ্ট আৰু এদিনীয়া আন্তৰ্জাতিক খেলত অষ্ট্ৰেলিয়াক প্ৰতিনিধিত্ব কৰি আহিছে। একেদৰে মিচেলেও বহুবাৰ দেশক প্ৰতিনিধিত্ব কৰিছে।
অষ্ট্ৰেলিয়ান দলৰেই আন দুজন খেলুৱৈ ব্ৰেট লী আৰু শ্বেন লী। শ্বেনে ১৯৯৯ চনত বিশ্বকাপ জয় কৰা অষ্ট্ৰেলিয়ান দলটোৰ হৈ খেলত ভাগ লৈছিল। ১৯৯৫ চনৰ পৰা ২০০০ চনলৈ কেৱল ৫ বছৰৰ এটা চমু কেৰিয়াৰ আছিল শ্বেন লীৰ। আনহাতে ব্ৰেটে টেষ্টত ৩১০ টা উইকেট আৰু এদিনীয়া ক্ৰিকেটত ৩৮০ টা উইকেট লৈ অভিলেখ গঢ়িছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
