অসম লাইভ২৪ঃ দীৰ্ঘদিন ধৰি ভাৰতৰ গাড়ীৰ বজাৰত প্ৰৱেশ কৰাৰ চেষ্টা কৰিছে এলন মাস্কে৷ এলনৰ Tesla-ৰ বজাৰ ভাৰতত বৰ্তমানলৈকে মুকলি হোৱা নাই৷ স্বয়ংক্ৰিয় গাড়ী নিৰ্মাণৰ ক্ষেত্ৰত শীৰ্ষত আছে এলনৰ Tesla. বিশ্বৰ বজাৰত Tesla-ৰ গাড়ীৰ আছে পৃথক সুনাম৷ কিন্তু Tesla-ৰ প্ৰৱেশ এতিয়াও ঘটা নাই ভাৰতীয় বজাৰত৷ অনুমতি নোপোৱাৰ বাবেই ভাৰতৰ বজাৰত বিক্ৰি হোৱা নাই Tesla-ৰ গাড়ী৷ কিন্তু অপেক্ষা এইবাৰ দূৰ হ’ব৷ ভাৰতীয় বজাৰত বিক্ৰী হ’ব Tesla৷ Tesla-ৰ নতুন মডেল অচিৰেই লঞ্চ হ’ব ভাৰতত৷ ইণ্ডোনেছিয়াত আয়োজিত G-20 বৈঠকত ভাৰ্ছুৱেলী অংশগ্ৰহণ কৰিছে এলন মাস্কে৷ ভাৰত-ইণ্ডনেছিয়াৰ দৰে উন্নয়নশীল দেশত গ্ৰাহকৰ সুবিধা হোৱাকৈ টেছলাৰ এটি বিশেষ মডেল লঞ্চ কৰাৰ কথা ঘোষণা কৰিছে এলন মাস্কে৷
বিগত কিছু বছৰ ধৰি ভাৰতত ব্যৱসায় কৰাৰ কথা চিন্তা কৰিছে এলন মাস্কে৷ ইতিমধ্যে বাংগালুৰুত খুলিছে এলনৰ সংস্থাৰ এটা বিশেষ কাৰ্যালয়ো৷ বিদেশৰ পৰা সামগ্ৰী আমদানী কৰাৰ বাবে চিন্তা চৰ্চাও কৰিছে ভাৰত চৰকাৰে৷ প্ৰস্তুতকাৰী সংস্থাসমূহে দেশৰ মাটিতেই নিজৰ প্ৰডাক্ট তৈয়াৰ কৰিব৷ তাৰ বাবেও পদক্ষেপ লৈছে ভাৰত চৰকাৰে৷ ভাৰত চৰকাৰৰ সৈতে টেছলাৰ মালিক এলন মাস্কে বিশেষ বৈঠকতো মিলিত হৈছে৷ কিন্তু বৰ্তমানলৈ বৈঠকৰ সিদ্ধান্ত ৰাজহুৱা কৰা নাই ভাৰত চৰকাৰৰ প্ৰতিনিধি দল অথৱা এলন মাস্কেও৷
কেন্দ্ৰীয় চৰকাৰৰ এক বিশেষ সূত্ৰই প্ৰকাশ কৰা মতে ভাৰততে নিৰ্মাণৰ ইউনিট তৈয়াৰ কৰা হ’ব বুলি ভাৰত চৰকাৰে প্ৰস্তাৱ দিছে৷ কিন্তু এলনে এই সম্পৰ্কে কোনো নিশ্চয়তা প্ৰদান কৰা নাই৷ যাৰ বাবে এতিয়াও এয়া সম্ভৱ হ’বনে ক’ব পৰা নাযায়৷ কিন্তু এটা কথা ঠিক যে টেছলাৰ গাড়ী মুকলি নকৰিলেও অন্য কেইবাটাও গাড়ী প্ৰস্তুতকাৰী সংস্থাই ভাৰতত অচিৰেই ইলেক্ট্ৰিক গাড়ী মুকলি কৰিব৷ ২০২১ চনত বিশ্বত ইলেক্ট্ৰিক গাড়ী আৰু বাইকৰ ব্যৱসায় ১,৪৩,৫০০ কোটি ডলাৰৰ পৰা আগন্তুক ২০২৭-ত ১৫,৩৯, ৮০০ কোটি ডলাৰলৈ বৃদ্ধি পোৱাৰ সম্ভাৱনা আছে বুলি বিশেষজ্ঞসকলে প্ৰকাশ কৰিছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
