অসম লাইভ২৪ঃ গুজৰাট বিধানসভা নিৰ্বাচনত বিজয় দাবী কৰা আম আদমী পাৰ্টীয়ে (আপ) শোচনীয় পৰাজয়ৰ সন্মুখীন হৈছে। বৰ্তমানলৈ আপে ৫খন আসনত আগবাঢ়ি আছে। ইয়াতকৈয়ো উল্লেখনীয় খবৰ যে গুজৰাটত মুখ্যমন্ত্ৰীৰ বাবে আপে প্ৰক্ষেপ পৰা প্ৰাৰ্থী ইছুদান গাধৱীয়ো ধৰাশায়ী হৈছে বিজেপিৰ হাতত। ইতিমধ্যে পৰাজয়বৰণ কৰিছে মুখ্যমন্ত্ৰীৰ বাবে আপে প্ৰক্ষেপ পৰা প্ৰাৰ্থী ইছুদান গাধৱীয়ে। আপৰ মুখ্যমন্ত্ৰী প্ৰাৰ্থী ইচুদান গাধৱীয়ে তেওঁৰ নিজা আসনেই আসন বচাব নোৱাৰাটোৱে লজ্জাৰ কাৰণ বুলি এতিয়া সকলোৱে চৰ্চা কৰা পৰিলক্ষিত হৈছে। খাম্বলিয়া বিধানসভা সমষ্টিৰ পৰা ইচুদান গাধৱীয়ে প্ৰতিদ্বন্দিতা কৰিছিল।
ইচুদান গাধৱীৰ উপৰিও গুজৰাট বিধানসভা নিৰ্বাচনৰ ফলাফলত আম আদমী পাৰ্টিৰ (আপ) আন দুজন ডাঙৰ নেতাও পৰাজিত হয়। পাতিদাৰ আন্দোলনৰ মূল গুৰি ধৰোতা আলপেছ কাথিৰিয়া আৰু আম আদমী পাৰ্টিৰ ৰাজ্যিক সভাপতি গোপাল ইটালিয়াও পৰাজিত হৈছে। আম আদমী পাৰ্টীয়ে পাতিদাৰসকলৰ দুৰ্গ হিচাপে বিবেচিত ভাৰাছা বিধানসভা আসনৰ পৰা আলপেছ কাথিৰিয়াক প্ৰাৰ্থিত্ব প্ৰদান কৰিছিল। গোপাল ইটালিয়াক কাটাৰ্গম বিধানসভা আসনৰ পৰা প্ৰাৰ্থিত্ব প্ৰদান কৰিছিল আপে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
