অসম লাইভ২৪ঃ বক্স অফিচত পাঠানৰ ধুমুহা। এটাৰ পাছত আনটো ৰেকৰ্ড ভাঙিছে পাঠানে। মাত্ৰ চাৰিদিনতে পাঠানে ৪০০ কোটি উপাৰ্জন কৰিবলৈ সক্ষম হৈছে। পাঠানৰ সফলতাক লৈ সুখী হৈ পৰিছে সমগ্ৰ বলীউডেই। পাঠানৰ সফলতাৰ ধ্বজ্জা উৰি থাকোতেই সকলোৱে প্ৰশ্ন কৰিছিল, চিনেমা ৰিলিজ হোৱাৰ পৰা শ্বাহৰুখ ক’লৈ গ’ল? পাঠানে ৪০০ কোটি উপাৰ্জন কৰাৰ পাছত অৱশেষত জনতাৰ সন্মুখত ধৰা দিলে শ্বাহৰুখে।
দেওবাৰে মন্নতৰ বাহিৰত ভীৰ কৰা জনতাক উদ্দেশ্যি শ্বাহৰুখে ধন্যবাদ জনায়। শ্বাহৰুখক দেখা মাত্ৰকেই জনতাৰ উলাহৰ দৃশ্য বন্দী হৈ ৰ’ল কেমেৰাত। সেই ভিডিঅ’ মাত্ৰ কেইটামান সময়ৰ ব্যৱধানতেই ভাইৰেল হৈ পৰিছে সামাজিক মাধ্যমত। শ্বাহৰুখে জনতাক উদ্দেশ্যি ফ্লাইয়িং কিছ দিয়াই নহয়, ‘ঝুমে জো পাঠান’ৰ হুক ষ্টেপো কৰি দেখুওৱাই।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
