অসম লাইভ২৪ঃ গৰ্ভাৱস্থা বা প্ৰসৱ জটিলতাতেই বিশ্বত প্ৰতি ২ মিনিটত এগৰাকী মহিলাৰ মৃত্যু হয়৷ ৰাষ্ট্ৰসংঘই প্ৰকাশ কৰিছে এই ভয়ংকৰ তথ্য৷ বিগত ২০ বছৰত গৰ্ভৱতী মহিলাৰ মৃত্যুৰ হাৰ এক তৃতীয়াংশ কমিছে৷ বৃহস্পতিবাৰে প্ৰকাশিত হৈছে বিশ্ব স্বাস্থ্য সংস্থাৰ এটা বিশেষ ৰিপৰ্ট৷ তাত উল্লেখ থকা অনুযায়ী ২০০০ চনৰ পৰা ২০১৫ চনলৈ গৰ্ভৱতী মহিলাৰ মৃত্যুৰ হাৰ কমি আহিছে৷
২০২৬ ৰ পৰা ২০২০ লৈ এই হাৰ প্ৰায় একেই আছে৷ কিছু কিছু অঞ্চলত মৃত্যুৰ হাৰ বাঢ়িছে যদিও বিগত ২০ বছৰত গৰ্ভৱতী মহিলা বা প্ৰসৱকালীন জটিলতাত মৃত্যু হোৱা মহিলাৰ সংখ্যা ৩৪.৩ শতাংশলৈ হ্ৰাস পাইছে৷ প্ৰতি ১ লাখৰ ভিতৰত ৩৩৯ গৰাকী গৰ্ভৱতী মহিলাৰ মৃত্যু হয়৷ ২০০০ চনৰ পৰা ২০২০ চনলৈ এই হাৰ কমিছে৷ ২০২০ চনত প্ৰসৱকালীন জটিলতাত মৃত্যু হোৱা লোকৰ সংখ্যা প্ৰতি ১ লাখত ২২৩ গৰাকী৷ অৰ্থাৎ ২০২০ চনত দৈনিক ৮০০ সন্তানসম্ভৱা নাৰীৰ মৃত্যু হৈছে৷
গৰ্ভকালীন বা প্ৰসৱ জটিলতাত প্ৰতি ২ মিনিটত এগৰাকী মহিলাৰ মৃত্যু হৈছে৷ এই পৰিসংখ্যাত যদি চোৱা যায় তেন্তে প্ৰসৱ জটিলতাত মৃত্যু হোৱা লোকৰ সংখ্যা হ্ৰাস পাইছে বেলাৰুছত৷ বিগত ২০ বছৰত এই দেশত প্ৰসৱ জটিলতাত মৃত্যু হৈছে মাত্ৰ কেইগৰাকীমান মহিলাৰহে৷ পৰিসংখ্যাত যদি চোৱা যায় তেন্তে মৃতকৰ সংখ্যা ৯৫.৫ %লৈ হ্ৰাস পাইছে৷ আনহাতে গৰ্ভৱতী মহিলাৰ মৃত্যুৰ সংখ্যা সৰ্বাধিক ভেনিজুৱেলাত৷ ২০০০-২০১৫ চনত এই সংখ্যা বৃদ্ধি পাইছিল আমেৰিকাত৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
