অসম লাইভ ২৪ঃ শুনিলে চকুপানী ওলোৱা ঘটনা৷ নিজৰ পুত্ৰৰ ওচৰত ৩০ কোটি টকাৰ সম্পত্তি, নাতি ল’ৰা IAS বিষয়া৷ তাৰ পাছতো বৃদ্ধ পিতৃ-মাতৃ খাবলৈ নাপায় দুসাঁজৰ ৰুটী৷ অৱশেষত বিষাক্ত দ্ৰব্য খাই আত্মহত্যা দুই বৃদ্ধ-বৃদ্ধাৰ৷ ঘটনা হাৰিয়ানাৰ চৰখী দাদ্ৰী জিলাৰ বাদদা অঞ্চলৰ। পিতৃয়ে চুইচাইড নোটত পুত্ৰ আৰু বোৱাৰীয়ে হাৰাশাস্তিৰ অভিযোগ উত্থাপন কৰিছে, যাৰ ভিত্তিত পুত্ৰ আৰু দুগৰাকী বোৱাৰীকে ধৰি চাৰিজন লোকৰ বিৰুদ্ধে আৰক্ষীয়ে গোচৰ ৰুজু কৰিছে। মূলতঃ গোপী গাঁৱৰ বাসিন্দা অৱসৰপ্ৰাপ্ত সেনা জোৱান জগদীশ চান্দ (৭৮) আৰু ভাগলী দেৱী (৭৭) বাদদাত পুত্ৰ বীৰেন্দ্ৰৰ ওচৰতে বাস কৰিছিল। বীৰেন্দ্ৰ আৰ্য্যৰ পুত্ৰ বিবেক আৰ্য্য ২০২১ চনত আইএএছ বিষয়া হয়। বৰ্তমান তেওঁ কৰ্ণালত Trainee IAS হিচাপে কাম কৰি আছে। বুধবাৰে নিশা জগদীশচান্দ আৰু তেওঁৰ পত্নী ভাগলী দেৱীয়ে তেওঁলোকৰ বাদদা বাসগৃহত বিষাক্ত পদাৰ্থ সেৱন কৰি জীৱনৰ চৰম সিদ্ধান্ত লয়৷ গভীৰ নিশা পুৱা প্ৰায় ২.৩০ বজাত জগদীশচান্দে আৰক্ষীৰ নিয়ন্ত্ৰণ কক্ষত বিষ সেৱনৰ বিষয়ে তথ্য দিয়ে। আৰক্ষী আহি পোৱাৰ লগে লগে জগদীশচান্দে ছুইচাইড নোটখন আৰক্ষীক গতাই দিয়ে। অৱস্থা বেয়া হোৱাৰ লগে লগে দুয়োকে চিকিৎসালয়লৈ লৈ যোৱা হয়, য’ত তেওঁলোকক মৃত বুলি ঘোষণা কৰা হয়।
চুইচাইড নোটক লিখিছে— কোনো শিশুৱেই পিতৃ-মাতৃৰ ওপৰত ইমান অত্যাচাৰ কৰিব নালাগে৷ ছুইচাইড নোটত জগদীশচান্দে লিখিছে যে মই আগতে মোৰ সৰু ল’ৰা মহেন্দ্ৰৰ লগত থাকিছিলো। ছবছৰ পূৰ্বে তেওঁৰ মৃত্যু হৈছিল। মহেন্দ্ৰৰ পত্নী নীলমে মোক কিছুদিন ৰুটি দিলে, পিছলৈ তাই অনৈতিক কাম আৰম্ভ কৰিলে আৰু গাঁৱৰ বাসিন্দা বিকাশক লগত লৈ গ’ল। বিকাশক লগত ৰাখিবলৈ আপত্তি কৰাৰ সময়ত তেওঁলোকে মোক মাৰপিট কৰি ঘৰৰ পৰা উলিয়াই দিলে। ইয়াৰ পিছত মই দুবছৰ অনাথ আশ্ৰমত থাকিলোঁ। ঘূৰি আহোঁতে আকৌ উলিয়াই আনি ঘৰত তলা লগাই দিলে। সেই সময়তে মোৰ পত্নী ভাগলী দেৱী পক্ষাঘাতগ্ৰস্ত হৈ পৰিল।
ইয়াৰ পাছত আনজন পুত্ৰই বীৰেন্দ্ৰৰ লগত থাকিবলৈ আৰম্ভ কৰিলো। তাতেও মোক ৰাখিবলৈও অস্বীকাৰ কৰিলে। মোক বাহি আটাৰে তৈয়াৰী ৰুটি খাবলৈ দিছিল। কিমান দিন এই মিঠা বিষ গাম, গতিকে বিষকে গিলিলো৷ মোৰ মৃত্যুৰ কাৰণ হ’ল নীলম, বিকাশ, সুনীতা আৰু বীৰেন্দ্ৰ। এই চাৰিজনে মোৰ ওপৰত ইমান অত্যাচাৰ কৰিছে, কোনো শিশুৱেই মাক-দেউতাকৰ ওপৰত ইমান অত্যাচাৰ কৰিব নালাগে। ইয়াৰ বাবেই মই মোৰ মাটিও আৰ্য্য সমাজক দান দিলোঁ।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
