অসম লাইভ২৪ঃ অত্যাধিক মিঠা খোৱা মানুহৰেই ডায়বেটিছ হয়, এই ধাৰণা একেবাৰেই সত্য নহয়। অত্যাধিক মিঠা খোৱাৰ প্ৰৱণতাই তেজত ৰক্ত শৰ্কৰাৰ পৰিমাণ বঢ়াই দিব পাৰে। কিন্তু কেৱল মিঠা খালেই ডায়বেটিছ হয় সেই ধাৰণা সম্পূৰ্ণ ভুল। অইন কি কি কাৰণত ডায়বেটিছ হ’ব পাৰে?
সকলো সময়তে কামত ব্যস্ত থকা
কামক লৈ সকলোসময়তে ব্যস্ত থকাটো প্ৰায়সংখ্যক লোকৰেই প্ৰধান সমস্যা। ব্যস্ততা মানেই নানান চিন্তা, উদ্বেগত মন ভাৰাক্ৰান্ত হৈ থকা। সেইসমূহৰো প্রভাৱ শৰীৰত পৰে। কামৰ চাপত খাদ্য খোৱাৰ কথা বহুতৰেই মনত নাথাকে। দীৰ্ঘ সময় ধৰি পেট খালি থাকিলে শৰ্কৰাৰ মাত্ৰাও বাঢ়ি যায়। এই অভ্যাস আঁতৰালে ডায়বেটিছ দূৰ কৰিব পাৰি।
পৰ্যাপ্ত পৰিমানে পানী খাব লাগে
পানীতেই বহু সমস্যাৰ সমাধান লুকাই আছে। ডায়বেটিছো এই তালিকাত আছে। দিনত কামৰ মাজতেই পানী খোৱাৰ কথাটো মনত ৰখা খুবেই প্ৰয়োজন। কামৰ মাজতো পানী খোৱাৰ কথা মনত ৰাখিবলৈ সদায়ে পানী বটলটো চকুৰ সন্মুখত ৰাখক। শৰীৰত আদ্ৰতাৰ অভাৱতেই ডায়বেটিছ হোৱাৰ আশংকা বাঢ়ে।
টোপনি কম হোৱা
আধুনিক ব্যস্ততাপূৰ্ণ জীৱনত প্ৰায়সংখ্যকেই প্ৰধান সমস্যা হৈছে নিদ্ৰাহীনতা। পৰ্যাপ্ত পৰিমানে টোপনি নহ’লেও ডায়বেটিছৰ আশংকা বাঢ়ি যায়। শৰীৰ সুস্থ কৰি ৰাখিবলৈ পৰ্যাপ্ত পৰিমানে টোপনি যোৱাটো নিতান্তই প্ৰয়োজন।
হৰমনজনিত সমস্যা
হৰমনৰ ভাৰসাম্য বৰ্তি নথকাৰ বাবেও শৰীৰত বহু ৰোগে দেখা দিয়ে। হৰমনৰ এই ধাৰাবাহিক ভাৰসাম্যহীনতাই ডায়বেটিছৰ জন্ম দিয়ে। হৰমনজনিত সমস্যা থাকিলে তাৎক্ষণিকভাৱে চিকিৎসকৰ পৰামৰ্শ লোৱাটো জৰুৰী।
সময়ে সময়ে স্বাস্থ্য পৰীক্ষা কৰাওক
কেইমাহ মানৰ মূৰে মূৰে শৰীৰৰ পৰীক্ষা কৰোৱাটো খুবেই প্ৰয়োজন। কিন্তু বহুতেই সময়ৰ অভাৱত শৰীৰৰ পৰীক্ষা কৰাত অৱহেলা কৰে। ফলত শৰীৰত কোনো সমস্যা হৈ থাকিলেও সঠিকসময়ত ধৰা নপৰে। মাজে মাজে ডায়বেটিছৰ পৰীক্ষা কৰি থকাটো অত্যন্ত গুৰুত্বপূৰ্ণ।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
