অসম লাইভ২৪ঃ কথাতেই কোৱা হয় প্ৰেম অন্ধ। প্ৰেমে বয়স, সামাজিক অৱস্থান নিচিনে। সেয়ে বহুসংখ্যকেই প্ৰেম বা যৌনতাৰ ক্ষেত্ৰত কেতিয়াবা অত্যাধিক ডাঙৰ বা সৰু ব্যক্তি বাছনি কৰে। ‘দিল চাহতা হ্যায়’ ছবিত অক্ষয় খান্নাৰ চৰিত্ৰটো আপোনাৰ মনত আছেনে? তাত অক্ষয় খান্নাই তেঁওতকৈ দ্বিগুণ বয়সীয়া নায়িকাৰ প্ৰেমত পৰে। ইফালে ‘নিশব্দ’ ছবিখনতো নায়ক অমিতাভ বচ্চনে তেওঁৰ জীয়াৰীৰ বান্ধৱীৰ প্ৰেমত পৰে। এইধৰণৰ ঘটনা কেৱল চিনেমাতেই ঘটে এনে নহয়।
শেহতীয়া উদাহৰণ যদি চাওঁ তেন্তে নিক-প্ৰিয়ংকা, কেট-বিকী আদিৰ যুঁটিকেই ক’ব পাৰি। অভিশেখ বচ্চনৰ পৰা শচীন তেণ্ডুলকাৰলৈকে এইসকলৰ বিবাহত বয়সৰ বহু ব্যৱধান আছে। কেৱল বৈবাহিক জীৱনতেই নহয় বিবাহ বহিৰ্ভূত সম্পৰ্কৰ ক্ষেত্ৰতো বহুলোকৰেই প্ৰৱণতা দেখা যায়। কোন ৰাশিৰ জাতক-জাতিকাসকলৰ এই প্ৰৱণতা সৰ্বাধিক তাকে জানেনে?
এই তালিকাত প্ৰথমে আছে লিঅ’ বা সিংহ ৰাশিৰ জাতক-জাতিকাসকল। কথাতেই কোৱা হয় এক্সপেৰিয়েঞ্চ মেটাৰছ। প্লেটোনিক বা শাৰিৰীক আকৰ্ষণ সকলোতে এইসকলে অভিজ্ঞতাকেই প্ৰাধান্য দিয়ে। সেয়ে এইসকল জাতক-জাতিকাৰ সম্পৰ্ক দীৰ্ঘম্যাদি হয়।
ইয়াৰ পিছতেই আছে মীন ৰাশিৰ জাতক-জাতিকাসকল। এই ৰাশিৰ জাতক-জাতিকাসকলে সংগীৰ পৰা অত্যাধিক মনোযোগ বিচাৰে। প্ৰত্যাশাও অধিক কৰে। সেয়ে এনে ব্যক্তিয়ে অভিজ্ঞতাপুষ্ট মানুহক সংগী হিচাপে বিচাৰে। ইয়াৰোপৰি নিৰাপত্তা আৰু আশ্ৰয়ৰ বাবেও ভৰষাৰযোগ্য মানুহৰ সন্ধান কৰে এই ৰাশিৰ লোকসকলে।
কন্যা ৰাশিৰ জাতক-জাতিকাসকলেও সমবয়স্কৰ লোকতকৈ ডাঙৰ লোকসকলকেই সংগী হিচাপে বিচাৰে। চঞ্চল স্বভাৱৰ ব্যক্তিতকৈ এইসকল লোকে ধৈৰ্য্যশীল, পৈণত চিন্তাৰ মানুহৰ প্ৰতি আকৃষ্ট হয়।
বয়স্ক লোকৰ প্ৰতি আকৃষ্ট হয় কুম্ভ ৰাশিৰ লোকসকলেও। এই ৰাশিৰ ব্যক্তিসকলে পৰনিৰ্ভৰশীল হ’বলৈ বেয়া পায়। প্ৰেমৰ সম্পৰ্কৰ প্ৰতি এই ৰাশিৰ লোকসকলৰ কিছু অনিহা থাকে। সেয়ে এবাৰ কোনো ব্যক্তিৰে প্ৰেমৰ সম্পৰ্কত বান্ধ খালে সম্পৰ্কটোক লৈ যথেষ্ট চিৰিয়াছ হৈ পৰে এইসকল লোক। সেয়ে সম্পৰ্ক গঢ়িবলৈ এই জাতক-জাতিকাৰ লোকসকলে এজন অভিজ্ঞ মানুহৰ সন্ধান কৰে। এওলোকৰ বাবে পাৰস্পৰিক সন্মানৰ বিষয়টো খুবেই গুৰুত্বপূৰ্ণ।
একেদৰে মকৰ ৰাশিৰ জাতক-জাতিকাসকলেও সৰু বা সমবয়সীয়া ব্যক্তিৰে প্ৰেম কৰিবলৈ আগ্ৰহ প্ৰকাশ নকৰে। পৈণত মানসিকতাৰ লোকৰ সৈতে এইসকল ব্যক্তিয়ে সম্পৰ্ক গঢ়িবলৈ আগ্ৰহ প্ৰকাশ কৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
