চেক বাউন্সৰ গোচৰত জড়িত বলীউডৰ অভিনেতা ৰাজপাল যাদৱৰ গোচৰৰ নতুন আপডেট পোহৰলৈ আহিছে। অৱশেষত কিছু ঋণ পৰিশোধ কৰিবলৈ সন্মত হৈছে অভিনেতাজনে। বুধবাৰে উচ্চতম ন্যায়ালয়ত হাজিৰ হৈছিল ৰাজপালে ১.১৫ কোটি টকাৰ ডিমাণ্ড ড্ৰাফ্ট লৈ। বাকী ৮৫ লাখ টকা জমা কৰিবলৈ তেওঁ ১৩ অক্টোবৰলৈকে সময় বিচাৰিছে। ‘আটা পাটা লাপাতা’ ছবিখনত হেৰুৱা ধনৰ বিষয়ে আলোচনা কৰি ৰাজপালে বিচাৰকৰ সন্মুখত নিজৰ দুৰ্দশা দাঙি ধৰে।
ৰাজপালো হৈ পৰে আৱেগিক
ন্যায়াধীশকজনে ধেমালিতে ৰাজপাল যাদৱক ক’লে – আপোনাৰ ছবিবোৰৰ দৰেই আপোনাৰ টকাও নোহোৱা হৈছে, ক’তো পোৱা নাই ! হতাশাৰে আদালতত ৰাজপালে কয় যে, ‘ৰাইজক মনোৰঞ্জন দিয়াৰ সমান্তৰালকৈ মই নিজেই এক নাটকত পৰিণত হৈছে।’ চি জি আইয়ে সুধিলে যে তেওঁ ধাৰাবাহিক বা ছবি নিৰ্মাণ কৰিছে নে তেওঁ কেৱল লক্ষ্যহীনভাৱে ঘূৰি ফুৰিছে? আদালতত হাজিৰ হৈ ৰাজপাল যাদৱে কয় যে, ‘মোৰ বহু টকা শেষ হৈ গ’ল। এই ছবিখনত মোৰ ১৭ কোটি টকাৰ লোকচান হৈছে। যোৱা ১৩ বছৰে এই লোকসকলে মোৰ ছবিখন নিৰ্মাণ হ’বলৈ নিদিলে। ষ্টে অৰ্ডাৰ লৈছিল। প্ৰতিশোধৰ উদ্দেশ্যেৰে তেওঁলোকে মোৰ নিজৰ ৫ কোটি টকাৰ বিনিময়ত ২২ কোটি টকাৰ লোকচান কৰিলে।’
চিজেআইয়ে কয়, “কিছুমান ভাল ছবি নিৰ্মাণ কৰক আৰু মানুহক মনোৰঞ্জন দিয়ক।” আবেদনৰ শুনানি গ্ৰহণ কৰি উচ্চতম ন্যায়ালয়ত চিজেআই সূৰ্য্য কান্ত, ন্যায়াধীশ জয়মল্য বাগচি, ন্যায়াধীশ ভি মোহানাক লৈ অভিনেতাজনক দুসপ্তাহৰ সময়সীমা প্ৰদান কৰে। এই সময়ছোৱাত ৰাজপাল যাদৱে ধন ঘূৰাই দিয়াৰ ব্যৱস্থা কৰিব বুলি জানিব দিয়ে।
গোটেই বিতৰ্কটো কি?
এই গোচৰটো মুৰালী প্ৰজেক্টছ প্ৰাইভেট লিমিটেডৰ সৈতে জড়িত চেক বাউন্স গোচৰৰ সৈতে জড়িত। দিল্লী উচ্চ ন্যায়ালয়ে ৰাজপাল যাদৱক দোষী সাব্যস্ত কৰি প্ৰতিটো গোচৰত তিনি মাহৰ কাৰাদণ্ডৰ শাস্তি প্ৰদান কৰে। যোৱা শুনানিৰ সময়ত উচ্চতম ন্যায়ালয়ে যাদৱৰ এই পদ্ধতিক লৈ তীব্ৰ অসন্তুষ্টি প্ৰকাশ কৰি কয় যে বাৰে বাৰে আদালতৰ নিৰ্দেশ দিয়াৰ পিছতো ধন জমা হোৱা নাই। চিজেআইৰ ন্যায়াধীশ সূৰ্য কান্তে কয় যে তেওঁলোকে ৰাজপালৰ পদ্ধতিক আওকাণ কৰিছিল কেৱল অভিযোগকাৰীয়ে তেওঁৰ কিছু ধন ঘূৰাই পোৱাটো নিশ্চিত কৰিবলৈ। নহ’লে শাস্তিৰ বিৰুদ্ধে তেওঁৰ আবেদন খাৰিজ কৰিলেহেঁতেন। উচ্চতম ন্যায়ালয়ে ৰাজপালক দুকোটি টকা জমা কৰিবলৈ এদিনৰ সময় দিছিল। আদালতে ৰাজপালক কয় যে এয়া তেওঁৰ শেষ সুযোগ হ’ব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
