অসমৰ লাখ লাখ মেট্ৰিক পৰীক্ষাৰ্থীৰ বাবে আহিছে গুৰুত্বপূৰ্ণ খবৰ। ফেব্ৰুৱাৰীৰ দ্বিতীয় সপ্তাহত অনুষ্ঠিত হ’ব মেট্ৰিক পৰীক্ষা। পৰীক্ষাৰ পূৰ্বে শিক্ষাৰ্থীসকলে প্ৰ-পত্ৰ পূৰণৰ প্ৰক্ৰিয়া সম্পূৰ্ণ কৰিব লাগিব।
জানিব পৰা মতে, ১২ অক্টোবৰৰ পৰা আৰম্ভ হ’ব মেট্ৰিক পৰীক্ষাৰ প্ৰ-পত্ৰ পূৰণৰ প্ৰক্ৰিয়া। শিক্ষাৰ্থীসকলে কেৱল অনলাইন মাধ্যমৰ জৰিয়তে প্ৰ-পত্ৰ পূৰণ কৰিব পাৰিব। সেয়ে পৰীক্ষাৰ্থীসকলে নিৰ্ধাৰিত সময়সীমাৰ ভিতৰত প্ৰয়োজনীয় তথ্য শুদ্ধভাৱে পূৰণ কৰি প্ৰক্ৰিয়াটো সম্পূৰ্ণ কৰাটো গুৰুত্বপূৰ্ণ। ১০ নৱেম্বৰ হ’ব প্ৰ-পত্ৰ পূৰণৰ অন্তিম দিন। অৰ্থাৎ ১২ অক্টোবৰৰ পৰা ১০ নৱেম্বৰৰ ভিতৰত শিক্ষাৰ্থীসকলে অনলাইনযোগে প্ৰ-পত্ৰ পূৰণ কৰিব লাগিব।
কেৱল প্ৰ-পত্ৰ পূৰণেই নহয়, পৰীক্ষাৰ মাচুলো অনলাইন পদ্ধতিৰ জৰিয়তে আদায় কৰিব লাগিব। মাচুল আদায় দিয়াৰ অন্তিম তাৰিখ ১৬ নৱেম্বৰ বুলি জানিব পৰা গৈছে। ইয়াৰ উপৰি বিষয় সলনিৰ ক্ষেত্ৰতো শিক্ষাৰ্থীসকলে সময়সীমাৰ প্ৰতি বিশেষভাৱে গুৰুত্ব দিব লাগিব। ১৯ নৱেম্বৰৰ পাছত বিষয় সলনি কৰাৰ কোনো সুবিধা নাথাকিব। সেয়ে পৰীক্ষাৰ্থীসকলে প্ৰ-পত্ৰ পূৰণৰ সময়তে নিজৰ বিষয়সমূহ ভালদৰে পৰীক্ষা কৰি লোৱাটো অতি জৰুৰী।
মুঠতে, মেট্ৰিক পৰীক্ষাৰ বাবে সাজু হোৱা অসমৰ লাখ লাখ শিক্ষাৰ্থীয়ে ১২ অক্টোবৰৰ পৰা প্ৰ-পত্ৰ পূৰণ, ১০ নৱেম্বৰৰ ভিতৰত প্ৰ-পত্ৰ জমা আৰু ১৬ নৱেম্বৰৰ ভিতৰত মাচুল আদায়ৰ প্ৰক্ৰিয়া সম্পূৰ্ণ কৰিব লাগিব। ফেব্ৰুৱাৰীৰ দ্বিতীয় সপ্তাহত অনুষ্ঠিত হ’বলগীয়া পৰীক্ষাক লৈ এতিয়াৰে পৰা শিক্ষাৰ্থীসকলৰ মাজত প্ৰস্তুতি আৰম্ভ হৈছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
