অসম লাইভ২৪ঃ কিছুদিন পূৰ্বেই পিতৃ হৈছে ভাৰতীয় ক্ৰিকেটাৰ জছপ্ৰীত বুমৰাহ৷ বুমৰাহ আৰু সঞ্জনা গণেশনৰ জীৱনলৈ আহিছে এগৰাকী পুত্ৰসন্তান৷ সন্তানৰ বাবেই এছিয়া কাপ চলি থকাৰ মাজতে ছুটি লৈ দেশলৈয়ো আহিছিল জছপ্ৰীত বুমৰাহ৷ কিন্তু শেহতীয়াকৈ অনুষ্ঠিত পাকিস্তানৰ বিৰুদ্ধে থকা খেলত তেওঁ পুনৰ দললৈ কামবেক কৰিছে৷ মহম্মদ শামীৰ ঠাইত জছপ্ৰীত বুমৰাহে ভাৰতীয় দলৰ হৈ প্ৰথম একাদশত খেলাৰ সুযোগ লাভ কৰিছে৷ দেওবাৰে বৰষুণৰ বাবে মেচখন আধাতেই সামৰিব লগা হয়৷ সোমবাৰে ৰিজাৰ্ভ ডে’ত এই মেচ সম্পূৰ্ণৰূপে খেলা হ’ব জনাইছিল যদিও আজিও বৰষুণে বিধি-পথালি দিছে৷
বুমৰাহক স্পেছিয়েল গিফট দলে শ্বাহিন আফ্ৰিদীয়ে
বৰষুণৰ বাবে খেল আধৰুৱা হোৱাৰ পাছতেই পাকিস্তানৰ খেলুৱৈ শ্বাহিন আফ্ৰিদীয়ে হঠাতেই বুমৰাহৰ হাতত তুলি দিয়ে এটা উপহাৰৰ টোপোলা৷ বুমৰাহৰ কাষলৈ দৌৰি আহি আফ্ৰিদীয়ে বুমৰাহক দিয়ে বিশেষ উপহাৰৰ টোপোলা৷ তাৰপিছতেই জছপ্ৰীত বুমৰাহক হেণ্ডচেক কৰে শ্বাহিন আফ্ৰিদীয়ে৷ শ্বাহিন আফ্ৰিদীয়ে বুমহাৰৰ সন্তানলৈ এই উপহাৰ দিছে৷ আফ্ৰিদীয়ে উপহাৰৰ লগতে বুমহাৰক শুভেচ্ছাও জনাই৷ শ্বাহিন অফ্ৰিদী আৰু জছপ্ৰীত বুমৰাহৰ এই ভিডিঅ’ এতিয়া সামাজিক মাধ্যমত ভাইৰেল হৈ পৰিছে৷
https://twitter.com/TheRealPCB/status/1700900704703979893?s=20
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
