অসম লাইভ২৪ঃ বিগত ৭ ছেপ্টেম্বৰত মুক্তিলাভ কৰা জাৱানে গঢ়িছে এটাৰ পাছত আনটো ৰেকৰ্ড৷ মুক্তিৰ কেইবামাহ পূৰ্বৰে পৰা উন্মাদনা দেখা গৈছে দৰ্শক অনুৰাগীৰ মাজত৷ মুক্তিৰ দিনাই বিশ্বজুৰি বক্স অফিচত ১০০ কোটি আয় কৰিছে এটলী পৰিচালিত জাৱানে৷ প্ৰথম সপ্তাহত ৫০০ কোটি উপাৰ্জন কৰিবলৈ সক্ষম হৈছে শ্বাহৰুখৰ জাৱানে৷
বিগত সপ্তাহত ক্ৰিষ্টোফাৰ নোলানৰ ‘অপেনহাইমাৰ’ গ্ৰেটা গাৰউইগৰ বাৰ্বিক পিছপেলাই জাৱান আগবাঢ়িছে৷ জাৱানৰ সৈতে বিশ্বজুৰি মুক্তি পাইছিল ঘৰানাৰ ছবি ‘দ্যা নান২’ য়ে৷ কিন্তু জাৱানৰ জনপ্ৰিয়তা এই ছবিতকৈ শীৰ্ষত৷ জাৱানতকৈ বহু পিছপৰি আছে নোলানৰ ছবি অপেনহাইমাৰো৷ বিগত সপ্তাহত মাত্ৰ ১৬ কোটি উপাৰ্জন কৰিছে ছবিখনে৷ ভাৰতীয় ছবিত ওচৰত শিৰনত কৰিবলৈ বাধ্য হৈছে বলীউডো৷
শ্বাহৰুখে চলিত বছৰৰ আৰম্ভণিতে মুক্তি দিছিল পাঠান৷ বিশ্বজুৰি বক্স অফিচত প্ৰায় ১১০০ কোটিৰ ব্যৱসায় কৰিছিল যশৰাজ ফিল্মছ প্ৰযোজিত ছবিখনে৷ পাঠান মুক্তিৰ প্ৰায় ৮মাহ পাছত মুক্তি পাইছে শ্বাহৰুখৰ আনখন ছবি জাৱানে৷ মুক্তিৰ প্ৰথম সপ্তাহৰ ভিতৰতেই জাৱানে আয় কৰিছে ৫০০ কোটি৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
